නව තායිවාන ජනාධිපති ලායි චිං-ටේට එරෙහිව බිය ගැන්වීමේ වැඩපිළිවෙළක් ලෙස, චීනය තායිවානය සමග අවිධිමත් බෙදුම් රේඛාව හරහා වසර දෙකකට ආසන්න කාලයක් තුළ වැඩිම මිලිටරි ගුවන් යානා සංඛ්‍යාව පසුගිය මාසයේ පියාසර කරවා තිබෙනවා.
තායිවානයේ ආරක්ෂක අමාත්‍යාංශය වාර්තා කළේ ජුනි මාසයේ දී චීන හමුදා ගුවන් යානා 175 ක් තායිවාන සමුද්‍ර සන්ධියේ මධ්‍ය රේඛාව හරහා පියාසර කළ බවයි.
2022 අගෝස්තු මාසයේ දී එක්සත් ජනපද කථානායක නැන්සි පෙලෝසිගේ තායිවාන සංචාරයත් සමග ගුවන් යානා 290ක් පියාසර කිරීමෙන් පසු මාසයක කාලයක දී වාර්තා වූ වැඩිම ගුවන් යානා සංඛ්‍යාව මෙයයි .
එවකට තායිවාන ජනාධිපති Tsai Ing-wen එක්සත් ජනපද සංචාරයක නිරත වීමත් සමග පසුගිය වසරේ අප්‍රේල් මාසයේ දී තායිවාන සීමාවට පැමිණි චීන ගුවන් යානා සංඛ්‍යාව 149ක් වුණා.
තායිවානයේ ජාතික ආරක්ෂක හා ආරක්ෂක පර්යේෂණ ආයතනයේ සහකාර පර්යේෂකයෙකු වන වැන්ග් සුන්-යෙන් පැවසුවේ චීන ගුවන් යානා සීමාව ආක්‍රමණය කිරීම තායිවානය මත ඇති මිලිටරි සහ දේශපාලන පීඩනයේ තීව්‍රතාව පැහැදිලි කිරීමක් බවයි.
ගුවන් ගමන් ජූලි දක්වා අඛණ්ඩව පැවතුණු අතර තායිවානයේ ආරක්ෂක අමාත්‍යාංශය අඟහරුවාදා ප්‍රකාශ කළේ පැය 24 ක් තුළ තායිවානය අවට ක්‍රියාත්මක වූ මහජන විමුක්ති හමුදාවට අයත් ගුවන් යානා 13 ක් අනාවරණය කරගත් බවයි.
