හිටපු ජනාධිපති ගෝඨාභය රාජපක්ෂ ජනාධිපති තනතුරින් නෙරපීම සඳහා රට තුළ ඉන්ධන, ගෑස් ඇතුළු පෝලිම් නිර්මාණය කළේ හිටපු අමාත්යවරුන් වන බැසිල් රාජපක්ෂ සහ නාමල් රාජපක්ෂ බව ව්යවසායක දිලිත් ජයවීර පවසනවා.
දසත, සුප්රීම් ඔස්සේ ඊයේ (14) රාත්රියේ සජීවීව විකාශය වූ “ප්රහාරය” දේශපාලන වැඩසටහනට එක්වෙමින් දිලිත් ජයවීර මේ බව සඳහන් කළා.
ඒ, අනුව ගෝඨාභය රාජපක්ෂ හිටපු ජනාධිපතිවරයා බලයෙන් පහ කිරීමේ කුමන්ත්රණය දියත් කරනු ලැබුවේ බැසිල් රාජපක්ෂ සහ නාමල් රාජපක්ෂ බවයි ඔහු මෙහිදී චෝදනා කර සිටියේ.
එවක ආණ්ඩුව තුළ වගකිවයුතු අමාත්යාංශ රැසක් බැසිල් රාජපක්ෂ සහ නාමල් රාජපක්ෂ යටතේ පැවති බව සඳහන් කළ දිලිත් ජයවීර රට තුළ ඇති වූ පෝලිම්වලට එම අමාත්යාංශ වගකිව යුතු බවත් ඔහු මෙහිදී වැඩිදුරටත් පැවසුවා.
