ජාත්යන්තර මුල්ය අරමුදලේ නියෝජ්ය කළමණාකාර අධ්යක්ෂ කෙන්ජි ඔකමුරා සහ මුදල් රාජ්ය අමාත්ය ශෙහාන් සේමසිංහ ඇතුළු මෙරට ධූත පිරිස අතර සාකච්ඡාවක් අයි.එම්.එෆ් /ලෝක බැංකු වසර මැද සමුළුවට සමගාමීව පැවැත් වුණා.
ආර්ථික ප්රතිසංස්කරණ වැඩසටහනේ ප්රගතිය පිළිබඳව සහ ශක්තිමත් වැඩසටහන් ක්රියාත්මක කිරීම සම්බන්ධව නියෝජ්ය කළමණාකාර අධ්යක්ෂවරයා මෙහිදී ශ්රී ලංකා රජයට ප්රශංසා කර සිටියා.
ජාත්යන්තර මූල්ය අරමුදලේ වැඩසටහන ආරම්භයේ සිටම ශ්රී ලංකාව අත්කරගත් ජයග්රහණ ආරක්ෂා කර ගනිමින් ශක්තිමත් හිමිකාරීත්වයක් පවත්වාගෙන යාමේ අවශ්යතාව ඔහු අවධාරණය කළා.
මෙහිදී මෑතකාලීන සමාජ-ආර්ථික වර්ධනයන් සහ වැඩසටහන යටතේ සිදුකරන ලද සාර්ව ආර්ථික ප්රතිපත්ති සහ ප්රතිසංස්කරණවල අඛණ්ඩතාව සහ ස්ථාවරත්වය සහතික කිරීමට ශ්රි ලංකාව සිදුකළ කැපකිරීම එහි දී පෙන්වා දුන් බවයි අමාත්ය සේමසිංහ පැවැසුවේ.
ශ්රී ලංකා ආර්ථිකයේ ස්ථාවරත්වය, වර්ධනය සහ ආයෝජන අවස්ථාවන් පිළිබඳව ජාත්යන්තර අවබෝධය සඳහා වූ ව්යාපාරික කවුන්සිලය (BCIU) සමඟ වොෂින්ටන් හි සාකච්ඡාවකට එක් වූ බව මුදල් රාජ්ය අමාත්ය ශෙහාන් සේමසිංහ සඳහන් කළා.
මෙහි දී ආයෝජකයින් සඳහා ශ්රී ලංකාවේ ඇති අවස්ථාවන් පිළිබඳව කේන්ද්රගත වූ අතර අධ්යාපනය, සංචාරක ව්යාපාරය, පුනර්ජනනීය බලශක්තිය, කෘෂිකර්මය සහ තාක්ෂණය ඇතුළු විවිධ ක්ෂේත්රවල උපායමාර්ගික ආයෝජන මගින් තිරසාර ආර්ථික වර්ධනයක් ළඟා කරගත හැකි අයුරු සාකච්ඡා කෙරුණු බවයි අමාත්යවරයා පැවසුවේ.
මෑත කාලීන ආර්ථික හා අනෙකුත් ප්රතිසංස්කරණ, ප්රතිඵලවලට පරිවර්තනය වී ඇති ආකාරය ඇතුළුව ශ්රී ලංකාව සම්බන්ධව ජාත්යන්තර මුල්ය අරමුදලේ වැඩසටහන හා වත්මන් සාර්ව-ආර්ථික වැඩපිළිවෙළ සම්බන්ධයෙන් අවධානය යොමු කෙරුණා.
ශ්රී ලංකා ආර්ථිකයේ අවස්ථාවන් පුළුල් කිරීමට ජාත්යන්තර අවබෝධය සහ සහයෝගීතාව වැඩිකිරීමට සහභාගිවූවන්, පාර්ශවකරුවන් සහ ගෝලීය හවුල්කරුවන් දක්වන උනන්දුව එහි දී අවධාරණය කෙරුණා.
මේ අතර ජාත්යන්තර මූල්ය අරමුදලේ ඉන්දියාව සහ ශ්රී ලංකාව සඳහා විධායක අධ්යක්ෂ ආචාර්ය ක්රිෂ්ණමූර්ති සුබ්රමනියන් සහ මුදල් රාජ්ය අමාත්ය ෂෙහාන් සේමසිංහ අතර හමුවක් ද පවත්වා තිබෙනවා.
ණය ප්රතිව්යුහගත කිරීමේ ප්රගතිය මෙන්ම 2024 මාර්තු මාසයේ දී එළඹුණු කාර්ය මණ්ඩල මට්ටමේ ගිවිසුමෙන් පසුව ජාත්යන්තර මූල්ය අරමුදලෙ හි වැඩසටහනේ 2 වැනි සමාලෝචනය අවසන් කිරීම සඳහාවන ඊළඟ පියවර පිළිබඳව මෙහි දී සාකච්ඡා කළ බවයි අමාත්යවරයා සඳහන් කළේ.
මුදල් රාජ්ය අමාත්යවරයා සහ ලෝක බැංකුවේ ශ්රී ලංකාව සඳහා ලෝක බැංකුවේ විධායක අධ්යක්ෂ පරමේෂ්වරන් අයියර් සමඟ පැවැති සාකච්ඡාවේ දී දුෂ්කර ප්රතිසංස්කරණ මාලාව ක්රියාත්මක කිරීම සම්බන්ධයෙන් ශ්රී ලංකා රජයට ප්රශංසා හිමිව තිබෙනවා.
ලෝක බැංකුවේ විවිධ අභ්යන්තර ප්රතිව්යුහගත කිරීම් සහ මෙම වෙනස්කම් ශ්රී ලංකාව වැනි රටවලට ප්රයෝජන ගත හැකි ආකාරය පිළිබඳ තොරතුරු සාකච්ඡා කෙරුණු අතර, ශ්රී ලංකාවට තම උපරිම සහයෝගය ලබාදෙන බවට පරමේෂ්වරන් අයියර් එහි දී සහතික වී තිබෙනවා.
