එළවළු මිල සිඝ්‍රයෙන් පහළට

පසු ගිය දිනවල හැටන් ආශ්‍රිත ප්‍රදේශවල අධික ලෙස ඉහල ගොස් තිබු එළවලු මිල මේ වන විට ඉතා සිඝ්‍රයෙන් පහල බසිමින් පවතින බව වාර්තා වනවා.

ඒ අනුව මේ වන විට නුවරඑළිය ප්‍රදේශය තුල බෝංචි, ලික්ස් කිලෝවක් රුපියල් 160ත් 200ත් අතර මිලකටත් , තක්කාලි කිලෝවක් රුපියල් 180ත් 200ත් අතර මිලකට අලෙවි වන බවයි අප වාර්තාකරු පැවසුවේ.

එමෙන්ම බණ්ඩක්කා කිලෝවක් රුපියල් 100ත් – 120ත්, අතරත් කැරට් කිලෝව රුපියල් 300ත් 350ත් අතර මිලකටත් අලෙවි වනවා .

මෙම තත්වයන් පිලිබදව අදහස් දක්වන එම ප්‍රදේශයේ පාරිභෝගිකයින් පවසන්නේ එළවළු මිල මෙලෙස පහළ යාම තමන්ට යම් සහනයක් බවයි.

මේ පිලිබදව අදහස් දක්වන එළවළු වෙළදුන් කියා සිටියේ මේ වන විට එළවළු තොග මිල පහල බැසිමත් සමග මෙම තත්වයන් උදාවි ඇති බවයි.