කටුනායක ප්රදේශයේ මත්ද්රව්ය සැපයීම සහ බෙදාහැරීම සිදුකර ගෙන ගිය ප්රධාන මත්ද්රව්ය ජාවාරම්කරුවෙකු ඊයේ (17) රාත්රියේ අත්අඩංගුවට ගෙන තිබෙනවා.
එහිදී සැකකරු සන්තකයේ තිබී රුපියල් ලක්ෂ 25ක් පමණ වටිනා මත්ද්රව්ය තොගයක් සහ මත්ද්රව්ය අලෙවියෙන් උපයාගත් බවට සැකකෙරෙන රුපියල් දෙලක්ෂ දහඅට දහස් අටසිය පනහක මුදලක් ද පොලිසිය විසින් සොයාගෙන ඇති බවයි වාර්තා වුණේ.
44 හැවිරිදි වියේ පසුවන මෙම පුද්ගලයා ජාඇල, කණුවන ප්රදේශයේ අවන්හලක් පවත්වා ගෙන යමින් මත්ද්රව්ය ජාවාරම ද සිදුකගෙන ගොස් ඇති බවයි අනාවරණය වී ඇත්තේ.
මොහු ජාඇල ප්රදේශයේ මහල් නිවාසයක සුඛෝපභෝගී ජීවිතයක් ගෙවමින් සිට ඇති බවයි පොලිසිය පැවසුවේ.
මෙම සැකකරු දැනට විදේශගතව සැඟව සිටින මත්ද්රව්ය බෙදාහැරීමේ ජාලයක් මෙහෙයවන සංවිධානාත්මක අපරාධ කල්ලි නායක “සංඛ ” නැමැත්තාගේ ප්රධානතම ගෝලයෙක් ද වනවා.
මීට දින කිහිපයකට පෙර අත්අඩංගුවට ගැනුණු මත්ද්රව්යවලට ඇබ්බැහි වී සිටි පුද්ගලයන් දෙදෙනෙකුගෙන් සිදුකළ දීර්ඝ ප්රශ්න කිරීම්වල දී මෙම සැකකරු සම්බන්ධයෙන් තොරතුරු අනාවරණය වී තිබෙනවා.
අත්අඩංගුවට ගැනුණු සැකකරු මත්ද්රව්ය තොගය සහ මුදල් ද සමඟ මීගමුව මහේස්ත්රාත් අධිකරණය වෙත අද (18) දින ඉදිරිපත් කිරීමට නියමිතව තිබුණා.
