ස්මාර්ට් වොච් (Smart Watch) තාක්ෂණය හේතුවෙන් පුද්ගලයෙකුගේ ජීවිතයක් බේරා ගැනීමට හැකි වීමේ පුවතක් ඔස්ට්‍රේලියාවේ වික්ටෝරියා ප්‍රාන්තයෙන් වාර්තා වනවා.
බෲස් නම් පුද්ගලයෙකු තම පැපැදියෙන් ගමන් කරමින් සිටියදී ඇද වැටී අනතුරකට ලක්ව සිටි අවස්ථාවකදීයි එය පිහිටට පැමිණ ඇත්තේ.
ඔහු එම අවස්ථාවේ පැළඳ සිටි Smart ඔරලෝසුවේ නව තාක්ෂණය ඔස්සේ තම බිරිඳට ඒ බව කෙටි පණිවුඩයකින් දන්වා තිබෙන අතර ඇය වහාම එම ස්ථානයට ගිලන් රථයක් ගෙන්වා රෝහල්ගත කිරීමටයි පියවර ගෙන ඇත්තේ.
එමගින් සිදුවීමට ගිය බරපතල හානියක් වළක්වා ගැනීමට හැකිවීම හමුවේ Smart Watch තාක්ෂණයේ වැදගත්කම පිළිබඳව මෙහිදී විශේෂ අවධානයක් යොමු වී තිබෙනවා.
මීට අමතරව බෲස්ගේ කතාව Apple සමාගම විසින් නව සෞඛ්‍ය සහ ආරක්ෂණ ව්‍යාපාරයක කොටසක් ලෙස ඉදිරිපත් කර තිබීම විශේෂත්වයක්.
ඇස්තමේන්තුගත කර ඇති පරිදි සෑම ඔස්ට්‍රේලියානුවන් හතර දෙනෙකුගෙන් එක් අයෙක් සතුව Smart Watch පවතින බව සඳහන්.
කෙසේ වෙතත් සෑම ස්මාර්ට් ඔරලෝසුවක් සඳහාම හදිසි අවස්ථාවලදී පණිවුඩ යැවීමේ පහසුකම නොමැති අතර Apple Watch සීරිස් 9හි නව තාක්ෂණය සමග මෙම පහසුම පුලුල් වනු ඇති.
