සුප්රකට ජෛන දේශකයෙකු වන ආචාර්ය විද්යාසාගර් මහාරාජ් අභාවප්රාප්ත වී තිබෙනවා.
චාතිස්ගාර් ප්රාන්තයේ රාජ්නන්ද්ගෝන් දිස්ත්රික්කයේ ඩොංගර්ගාර්හි චන්ද්රගිරි තීර්ත්හිදී අද (18) අලුයම 2:35ට ඔහු අභාවප්රාප්ත වී ඇති බවයි ඉන්දීය මාධ්ය වාර්තා කළේ.
ජෛන ආගමික පිළිවෙතක් වන ‘සල්ලෙක්නා’ හෙවත් අධ්යාත්මික පවිත්රතාවය වෙනුවෙන් ස්වේච්ඡාවෙන් මරණය දක්වා නිරාහාරව සිටීම තුළින් ඔහු මෙලෙස අභාවප්රාප්ත වී ඇති බවයි වාර්තා වන්නේ.
මහාරාජ් පසුගිය දින තුන තුළ ස්වේච්ඡාවෙන් මාරාන්තික උපවාසයේ යෙදෙන මෙම ආගමික පිළිවෙත සපුරමින් ආහාර ගැනීමෙන් ඉවත්ව තිබෙනවා.
ආචාර්ය විද්යාසාගර් මහාරාජ්ගේ අභාවය සම්බන්ධයෙන් ඉන්දීය අග්රාමාත්ය නරේන්ද්ර මෝදි ශෝක පණිවිඩයක් නිකතු කරමින් සඳහන් කළේ මහාරාජ්ගේ අභාවය රටට පිරිමැසිය නොහැකි පාඩුවක් බවයි.
මිනිසුන් අතර අධ්යාත්මික පිබිදීම සඳහා ඔහු දැරූ වටිනා උත්සාහයන් සැමදා මතකයේ රැඳෙනු ඇති බවත්, පසුගිය වසරේ ඔහු චත්තිස්ගාර්හි චන්ද්රගිරි ජෛන විහාරස්ථානයේ දී තමා හමුවීම අමතක කළ නොහැකි මතකයක් බව ද ඉන්දීය අග්රාමාත්යවරටා එහි වැඩිදුරටත් සඳහන් කර තිබෙනවා.
මේ අතරට අභාවප්රාප්ත ආචාර්ය විද්යාසාගර් මහාරාජ්ගේ අවසන් කටයුතු චන්ද්රගිරි තීර්ථයේ දී සිදුකිරීමට නියමිත බවයි වාර්තා වුණේ.
