නිදහස් සැමරුම් උත්සවයේ පෙර පුහුණුවීම් සිදුකරන අතර තුර පැරෂුට් භටයින් සිව්දෙනෙක් අනතුරකට ලක්ව අද (30) දහවල් රෝහල් ගත කළා.
ගුවන් හමුදා පැරෂුට් භටයින් දෙදෙනෙක් සහ යුද හමුදා පැරෂුට් භටයින් දෙදෙනෙක් මෙලෙස අනතුරට ලක්ව තිබුණා.
ශ්රී ලංකා ගුවන් හමුදාව සඳහන් කළේ සුළඟේ දිශාව අනපේක්ෂිත ලෙස වෙනස්වීම මෙම අනතුරට හේතු වී ඇති බවයි.
පැරෂුට් සංදර්ශනයේ පෙරහුරුව අතරතුර දී ඉහළ අහසේ සිට බිමට ඇදවැටී රෝහල් ගතකළ පැරෂුට් භටයින් සිව්දෙනාගේ තත්ත්වය බරපතළ නොවන බවයි ගුවන් හමුදාව සඳහන් කළේ.
මෙම අනතුරට මුහුණ පෑ පැරෂුට් භටයින් සිව්දෙනා මේ වනවිට කොළඹ ජාතික රෝහලේ සහ යුද හමුදා රෝහලේ ප්රතිකාර ලබන බවයි වාර්තා වුණේ.
76 වන නිදහස් දින සැමරුමේ පෙර පුහුණුවීම් කොළඹ ගාලුමුවදොර ආශ්රිතව අද (30) පෙරවරුවේ ආරම්භ වුණා.
.
