විදුලිබල මණ්ඩලයේ සේවකයන් ලබාගෙන ඇති ණය පහසුකම්වල ප්රමාණය රුපියල් බිලියන 12ක් පමණ වන බව බලශක්ති අමාත්ය කංචන විජේසේකර පවසනවා.
ඒ සඳහා වන පොලියෙන් 2/3ක් විදුලිබල මණ්ඩල විසින්ම ගෙවීම සිදු කරන බවටයි විදුලිබල මණ්ඩලයේ විදුලිබල මන්ඩලයේ මූල්ය අංශය අමාත්යවරයා වෙත තොරතුරු ලබාදී ඇත්තේ.
විදුලිබල මණ්ඩලය තම සේවකයන්ගේ ණය පොලී වෙනුවෙන් ගෙවන මුදල් අයවන්නේ ද මහජනතාවගේ විදුලි බිලෙන් බව අමාත්යවරයා පෙන්වා දෙනවා.
විදුලිබල මණ්ඩලයේ සේවකයන් ලබාගෙන ඇති මූල්ය පහසුකම් සම්බන්ධයෙන් සහ විදුලිබල මණ්ඩලයට නව සේවකයන් බඳවාගැනීම සම්බන්ධයෙන් තොරතුරු වාර්තා කරන ලෙස මීට සති දෙකකට පෙර බලශක්ති අමාත්ය කංචන විජේසේකර විසින් විදුලිබල මණ්ඩලයේ කළමණාකාරීත්වයෙන් ඉල්ලීමක් කර තිබුණා.
ඊට අදාළව විදුලිබල මණ්ඩලයේ මූල්ය අංශය යොමුකරන ලද තොරතුරු අනුව අමාත්යවරයා මෙම කරුණු අනාවරණ කර තිබෙනවා.
විදුලිබල මණ්ඩලයේ සේවකයන් ලබාගෙන ඇති මූල්ය පහසුකම්වල පොලී ගෙවා දැමීම සදහා වන මුදල් මහජනතාවගේ විදුලි බිලෙන් අයකරගැනීම නවතා දමා, ණය හිමියන්ගෙන් ඒවා අයකරගැනීමට ක්රමවේදයක් සකස්කරන ලෙසටයි අමාත්යවරයා විදුලිබල මණ්ඩලයේ කළමණාකාරීත්වයට උපදෙස් ලබාදී ඇත්තේ.
එමෙන්ම කාර්යක්ෂමතාවය වැඩිකරගනිමින් වියදම් අඩු කිරීම සදහා බාහිර පාර්ශව වෙත ලබාදීමට හැකි සේවාවන් සම්බන්ධයෙන් ද වාර්තාවක් සපයන ලෙසද දැනුම්දී තිබෙනවා.
Karunu heli kireema sambandayen sthuthi wewaa.