මහනුවර ජාතික රෝහලේ තරුණ වෛද්යවරියන්ගේ අඩ නිරුවත රූගත කිරීමේ චෝදනා මත අත්අඩංගුවට ගත් සෞඛ්ය කාර්ය සහායකවරයා ලබන 26 වනදා දක්වා රක්ෂිත බන්ධනාගාර ගත කර තිබෙනවා.
මහනුවර මුලස්ථාන පොලිසිය මගින් සැකකරු මහනුවර මහේස්ත්රාත් අධිකරණය වෙත ඉදිරිපත් කිරීමෙන් අනතුරුවයි නියෝගය නිකුත් කෙරුණේ.
මහනුවර ජාතික රෝහලේ උගුර, කණ හා නාසය පිළිබඳ ශල්ය ඒකකයේ වෛද්යවරියන් ඇඳුම් මාරු කරන කුඩා කුටියක ඉතා සූක්ෂම ආකාරයෙන් නවීන ජංගම දුරකථනයක් සඟවා මෙම රූගත කිරීම සිදුකර ඇති බවට පොලිස් විමර්ශනයෙන් පසු හෙළිවී තිබෙනවා.
මෙම සෞඛ්ය කාර්ය සහායකවරයා ද උගුර, කණ, නාසය පිළිබඳ ශල්ය ඒකකයේ සේවය කරන්නෙක් බව සඳහන්.
පසුගිය 12 වනදා මෙම ස්ථානයේ ඇඳුම් මාරු කරමින් සිටි වෛද්යවරියක ඉතා සූක්ෂම ලෙස රඳවා තබා ඇති මෙම ජංගම දුරකථනය දැක ඒ පිළිබඳව අනෙකුත් වෛද්යවරුන් ද දැනුවත් කර මහනුවර මූලස්ථාන පොලිසිය වෙත පැමිණිලි කර එම දුරකථනය භාරදී තිබුණා.
මෙම දුරකථනයේ වීඩියෝ පරික්ෂා කළ පොලිස් නිලධාරීන්ට අනාවරණ වී ඇත්තේ එය භාවිතා කර දීර්ඝ කාලයක සිට වෛද්යවරියන් ඇඳුම් මාරු කරන ආකාරය රහසිගතව රූගත කර ඇති බවයි.
විමර්ශනයකින් අනතුරුව දුරකථනය හිමිකරු වූ සෞඛ්ය කාර්ය සහායකවරයා අත්අඩංගුවට ගෙන මහනුවර අධිකරණය වෙත ඉදිරිපත් කර තිබෙනවා.
සිද්ධිය සම්බන්ධයෙන් මහනුවර මූලස්ථාන පොලිසිය වැඩිදුර පරීක්ෂණ සිදු කරනවා.
