අවලෝකිතේෂ්වර බෝධිසත්ව නමින් පෙනී සිටින මහින්ද කොඩිතුවක්කු නම් පුද්ගලයා මල්වතු මහා විහාරයට යතුරක් සමග යම් දෙයක් පරිත්‍යාග කර ඇති පූජ්‍ය බලංගොඩ කස්සප හිමියන් අද අනාවරණ කළා.
මල්වතු මහා විහාරයට මහින්ද කොඩිතුවක්කු සහ අනුගාමිකයන් ගොස් ඇති බවයි උන්වහන්සේ එහි ඡායාරූප පෙන්වමින් ප්‍රකාශ කළේ.
ථෙරවාදී බුදු දහම විනාශ කරන මෙවන් විකෘති ලිංගික ආශා ඇති මානසික ආබාධ සහිත පුද්ගලයන් සඳහා ථෙරවාදී බුදු සසුන සුරකින මහා නාහිමිවරු ආශීර්වාද කරන්නේ නම් තරුණ හිමිවරුන් වූ තමන් කුමක් කරන්න ද යන්න බලංගොඩ කස්සප හිමියන් විමසා සිටිනවා.
වැඩිදුරටත් අදහස් දක්වමින් උන්වහන්සේ කිය සිටියේ පිටිදූවේ සිරිධම්ම හා උඩුවේ ධම්මාලෝක හිමිවරුන් මහායානය බිහිවීමට හේතු වූ නොපැසුණු රා ප්‍රසිද්ධියේ අනුභව කරමින් කරන ක්‍රියාවට මෙන්ම පසුගිය දිනවල භික්ෂූන් වහන්සේලා සිදුකළ විනය විරෝධී ක්‍රියාවලට කිසිදු විනය ක්‍රියාමාර්ගයන් උන්වහන්සේලා අනුගමනය නොකළ බවයි.
හඳපානාගල නිවාතාප හිමි වැනි අයගේ පැවිදි පිංකම් සඳහා අනුනායක හිමිවරු සම්බන්ධ වී සසුන විනාශ කිරීමට කටයුතු කරන බවට ද බලංගොඩ කස්සප හිමියන් චෝදනා කළා.
එමෙන්ම මහනායක හිමිවරු බුදු සසුන සුරැකීම වෙනුවට වැනසීම සිදුකරන්නේ නම් කුලය බලා පැවිදි කරන්නේ නම් නිකාය කුල භේදයෙන් තොරව භික්ෂූන් වහන්සේලාට එකතු වන ලෙසටයි උන්වහන්සේ ප්‍රකාශ කළේ.
අවලෝකිතේෂ්වර බෝධිසත්ව ලෙසට පෙනී සිටින පුද්ගලයාගේ නියෝජිතයන් යතුරක් ද රැගෙන ගොස් ලබාදුන් දේ සම්බන්ධයෙන් මහනායක හිමිවරුන් ප්‍රසිද්ධ ප්‍රකාශයක් සිදු කළ යුතු බව බලංගොඩ කස්සප හිමියන් සඳහන් කරනවා.
මල්වතු මහා විහාරයට යාමට සාමාන්‍ය පුද්ගලයෙකුට අවස්ථාවක් ද හිමි නොවන බවයි උන්වහන්සේ පෙන්වා දෙන්නේ.
wpDiscuz
