බීමතින් සිපගන්න ගිහින් මැරුම් කාලා

පහර කෑමට ලක්ව බරපතළ තුවාල ලැබූ බීමත් පුද්ගලයෙක් කොළඹ ජාතික රෝහලට ඇතුළත් කිරීමෙන් අනතුරුව මියගොස් ඇති බව දුන්ගල්පිටිය පොලිසිය පවසනවා.

මෙලෙස මියගිස් ඇත්තේ උතුරු පිටිපන ප්‍රදේශයේ පදිංචිව සිටි 55 හැවිරිදි වියේ පසුවූ අයෙක් බවයි වාර්තා වන්නේ.

මෙම පුද්ගලයා පසුගිය 08 වනදා පස්වරුවේ බීමතින් පැමිණ පුද්ගලයෙකු සිපගැනීමට යාමේ දී ඊට උරණ වූ එම පුද්ගලයා විසින් මොහුට පහර දී ඇති බව දුන්ගල්පිටිය පොලිසිය වැඩිදුරටත් සඳහන් කළේ.

එහිදී බරපතළ තුවාල ලැබූ බීමතින් සිටි පුද්ගලයා වැඩිදුර ප්‍රතිකාර සඳහා කොළඹ ජාතික රෝහලට ඇතුළත් කිරීමෙන් අනතුරුව මියගොස් ඇති බවයි වාර්තා වුණේ.

පහරදීමට සම්බන්ධ බව කියන 37 හැවිරිදි පුද්ගලයෙක් පොලිසිය විසින් අත්අඩංගුවට ගෙන අධිකරණය වෙත ඉදිරිපත් කිරීමෙන් පසු රක්ෂිත බන්ධනාගාර ගතකර තිබෙනවා.

මේ අතර පහර කෑමෙන් මියගිය පුද්ගලයාගේ පශ්චාත් මරණ පරීක්ෂණය අද (13) පැවැත්වීමට නියමිත බව පොලිසිය සඳහන් කර සිටියා.