ගලපිටමඩ ප්රදේශයේදී පුද්ගලයෙකුට වෙඩි තබා තුවාල සිදු කිරීමේ සිද්ධියට සම්බන්ධ “චතුවා” නමැති සැකකරුවකුට සිය නිවසේ නවාතැන් දුන් බව කියන බන්ධනාගාර සැරයන්වරයෙකු ලබන ඔක්තෝබර් මස 4 වනදා දක්වා රක්ෂිත බන්ධනාගාර ගත කර තිබෙනවා.
කොළඹ අතිරේක මහේස්ත්රාත් රජින්ද්ර ජයසූරියයි අද මෙම නියෝගය ලබාදී ඇත්තේ.
කොළඹ රිමාන්ඩ් බන්ධනාගාරයේ සේවයේ නියුතු සැරයන්වරයකු මෙලෙස රක්ෂිත බන්ධනාගාර ගත කර තිබෙනවා.
වෙඩි තැබීමේ සිද්ධියෙන් පසු බන්ධනාගාර සැරයන්වරයාගේ රාජගිරියේ පිහිටි දෙමහල් නිවසක දෙවන මහලේ කුලී පදනම මත “චතුවා” නැමැති පුද්ගලයා නවාතැන්ගෙන සිට ඇති බවට සිදු කළ ප්රශ්න කිරීම්වලදී හෙළි වූ බවයි කොළඹ අපරාධ කොට්ඨාසය අධිකරණයට දැනුම්දී ඇත්තේ.
“චතුවා” නැමැති පුද්ගලයා එම වෙඩි තැබීමට සම්බන්ධ බව දැන දැනම මෙම සැරයන්වරයා විසින් ඔහුට රැකවරණය ලබාදී ඇති බවට “චතුවා” නමැත්තාගෙන් සිදු කළ ප්රශ්න කිරීම්වලදී හෙළි කර ගත් බව ද කොළඹ අපරාධ කොට්ඨාසය අධිකරණය හමුවේ වැඩිදුරටත් ප්රකාශ කර තිබෙනවා.
