රඹකැන් ඔය ප්රදේශයේ පිහිටි සිය පාරම්පරික නිජබිම් එළිපෙහෙළි කර ඒවා වගා කටයුතු සඳහා පෞද්ගලික සමාගම් වෙත ලබාදීමට මහවැලි අධිකාරිය ගෙන තිබෙන තීරණය බල රහිත කිරීමේ නියෝගයක් නිකුත් කරන ලෙස ඉල්ලා වැදි නායක ඌරුවරිගේ වන්නිල ඇත්තෝ ඇතුළු පිරිසක් ඉදිරිපත් කළ රීට් පෙත්සම පෙබරවාරි මස 06 වනදා විභාගයට ගැනීමට අභියාචනාධිකරණය දින නියම කළා.
ඌරුවරිගේ වන්නිල ඇත්තෝ සහ පරිසර යුක්ති කේන්ද්රය විසින් මෙම පෙත්සම ඉදිරිපත් කර තිබුණා.
එහි වගඋත්තරකරුවන් ලෙස නම්කර තිබුණේ ශ්රී ලංකා මහවැලි අධිකාරිය, මධ්යම පරිසර අධිකාරිය ඇතුළු පිරිසක්.
පෙත්සම අද (08) දිනයේ කැඳවූ අවස්ථාවේ දී අභියාචනාධිකරණය නියෝග කළේ පෙබරවාරි මස 06 වනදා එය විභාගයට ගන්නා බවයි.
එදින පෙත්සම සම්බන්ධයෙන් කරුණු දැක්වීමට පියවර ගන්නා ලෙසත් අධිකරණය පාර්ශවකරුවන්ට නියෝග කළා.
රඹකැන් ඔය ප්රදේශයේ පිහිටි සිය පාරම්පරික නිජබිම් හෙළිපෙහෙළි කර ඒවා වගා කටයුතු සඳහා පෞද්ගලික සමාගම් වෙත පැවරීමට ශ්රී ලංකා මහවැලි අධිකාරිය ගෙන තිබෙන තීරණය තුළින් තම ප්රජාවට දැඩි අගතියක් සිදුවන බවත් එබැවින් එම තීරණය බල රහිත කිරීමේ නියෝගයක් නිකුත් කරන ලෙස ඉල්ලමින් වැදි නායක ඌරුවරිගේ වන්නිල ඇත්තෝ ඇතුළු පිරිස ඉදිරිපත් කළ පෙත්සමේ සඳහන් කර තිබෙනවා.
