බොලිවුඩ් සුපිරි නළු ශාරුක් ඛාන්ගේ නවතම චිත්රපටය වන ‘ජාවාන්’ චිත්රපටය ලොව පුරා ප්රදර්ශනය ඊයේ (07) ආරම්භ කළා.
මෙම චිත්රපටය ප්රදර්ශනය ආරම්භ කළ පළමු දිනයේ දීම බොක්ස් ඔෆිස් වාර්තා බිඳ දැමීමට හැකිව ඇති බවයි විචාරකයින් පවන්නේ.
ඒ, තිරගතවීම ආරම්භ කළ පළමු දිනයේ දීම ඉන්දියාව තුළ, ඉන්දීය රුපියල් කෝටි 75ක වාර්තා ගත අදායමක් උපයමින්.
ඒ, අනුව මෙම වසර මුල දී තිරගත කළ ශාරුක් ඛාන්ගේම ‘පතාන්’ චිත්රපටය තබා තිබූ පළමු දිනයේ ආදායම් වාර්තාව ‘ජාවාන්’ චිත්රපටය විසින් බිඳ දමනු ලැබුවා.
‘ජාවාන්’ චිත්රපටයේ පළමු දිනයේ ප්රවේශපත්ර ලක්ෂ 14ක් අලෙවි වී ඇති බව ඉන්දීය මාධ්ය වාර්තා කරනවා.
හින්දි, දෙමළ සහ තෙළිඟු යන භාෂා තුන ඔස්සේ ඉන්දියාව තුළ ‘ජාවාන්’ චිත්රපටය තිරගත වන අතර, සිකුරාදා, සෙනසුරාදා සහ ඉරිදා යන දින තුන තුළ දී ඇදහිය නොහැකි ලෙස ධාවනය වීමට ඉඩ ඇති බවයි විචාරකයින් මතපළ කරන්නේ.
මේ අතර නයනතාරා, විජේ සේදුපති වැනි දමිළ සිනමාවේ ප්රබලයින් කිහිපදෙනෙක්ම ‘ජාවාන්’ චිත්රපටය සඳහා එක්කර ගෙන තිබීම හේතුවෙන් දකුණු ඉන්දීය වෙළඳපොලේ වැඩි අවදානයක් මෙම චිත්රපටය කෙරෙහි යොමුවිය හැකි බවට ද තොරතරු වාර්තා වනවා.
සංජේ දත්, දීපිකා පදුකෝන්, සන්යා මල්හෝත්රා, ප්රියමනී, සුනිල් ග්රෝවර් සහ රිදී ඩෝග්රා ඇතුළු තවත් පිරිසක් මෙහි රංගනයෙන් දායක වන අතර, ෂාරුක් සහ ගෞරි ඛාන්ගේ රෙඩ් චිලීස් එන්ටර්ටේන්මන්ට් විසින් එය නිෂ්පාදනය කර තිබෙනවා.
