පාකිස්ථානයේ දැනට පවතින අර්බුද හමුවේ සාමාන්‍ය ජනතාව මුහුණ දී තිබෙන ගැටලු අතරට පොලිසිය සිදු කරන ව්‍යාජ ගැටුම් ද එක් වෙමින් තිබෙන බව ඩෝන් පුවත්පත කළ සොයාබැලීමකදී අනාවරණය වී තිබෙනවා.
ඔවුන්ගේ වාර්තාවට අනුව එවැනි ව්‍යාජ පොලිස් ගැටුම් පාකිස්ථානයේ සාමාන්‍ය දෙයක් බවට පත්ව අවසන්.
කරච්චි ප්‍රදේශයේ පදිංචි කාෂිෆ් පොලිසිය විසින් කරන ලද එවැනි ව්‍යාජ ගැටුමකට ගොදුරු වූ තරුණයෙක්.
කාෂිෆ් අත්අඩංගුවේ පසුවන අතරතුර පොලිසිය සමඟ ඇති වූ ගැටුමකදී වෙඩි උණ්ඩවලින් සිදුවූ තුවාල නිසා ඔහුගේ එක් පාදයක් කපා දැමීමට සිදු ව තිබෙනවා.
කාෂිෆ්ගේ මව සරීනා පැවසුවේ: “මට අවශ්‍ය ගෙදර යන්නයි. වෙන්න තියෙන දේ දැන් වෙලා ඉවරයි” යනුවෙනුයි.
ඇයගේ පුත්‍රයා අපරාධයකට සම්බන්ධ සැකකරුවෙකු ලෙසින් අත්අඩංගුවට ගෙන තිබුණේ කැන්ටන්මන්ට් පොලිසිය මගින්.
කාෂිෆ් චෝදනා කළේ ඉකුත් මාර්තු 3 දා කැන්ටන්මන්ට් පොලිසිය තුළදී ඔවුන් සිය පාදයට දෙවරක් වෙඩි තැබූ බවයි.
ඩෝන් පුවත්පතට අනුව තවත් එවැනි සැකකරුවන් හය දෙනෙකු පමණ පසුගිය සමයේ ලියාඛට් විශ්වවිද්‍යාල රෝහලට ඇතුළත් කර තිබෙනවා.
ඩෝන් හි විමර්ශනවලට අනුව, පකිස්ථානයේ හයිද්‍රාබාද් හි පොලිස් සේවය “බාහිරගත” කර ඇති අතර ‘හාෆ් ෆ්‍රයි සහ ෆුල් ෆ්‍රයි’ යනුවෙන් ක්‍රියාත්මක කුරිරු පාලනයක් පවත්වාගෙන යන බව සඳහන්.
හාෆ් ෆ්‍රයි ක්‍රමය යටතේ අත් පා අහිමි වන අතර, ‘ෆුල් ෆ්‍රයි’ යන්නෙන් අදහස් කරන්නේ සැකකරුගේ ඝාතනයයි.
කෙසේ වෙතත්,එවැනි පොලිස් සේවය වෙළඳ ආයතන, සමාජ සේවකයින් යනාදීන්ගෙන් පොලිසියට ප්‍රශංසා කරයි.
පුද්ගලික ඉදිරිපත් වූ පිරිස් සහ සේවයෙන් පහ කරන ලද හෝ පහළ ශ්‍රේණිවල හිටපු පොලිස් භටයින් ඉහල පොලිස් නිලධාරීන්ගේ නියමය පරිදි මෙවැනි රාජකාරී ඉටු කිරීම සිදු කරනු ලබනවා.
ඩෝන් වාර්තාවට අනුව අමරිකානු සීඅයිඒ පොලිස් මූලාශ්‍රයක් පවසා ඇත්තේ, “සෑම ජ්‍යෙෂ්ඨ පොලිස් අධිකාරිවරයෙක්ම පාහේ මෙවැනි පුද්ගලයින් සමග එක්ව වැඩ කරන බවයි.
මෙම අපරාධ තුරන් කිරීමට සින්ද් පොලිස්පතිවරයා දී ඇති නියෝග නොතකා මෙවැනි පිරිස් සූදුව, ගණිකා වෘත්තිය ආදියට ඉඩ දීම සඳහා අල්ලස් ලබා ගන්නා බවයි හෙළිවී ඇත්තේ.
