කොළඹ කොටුවේ සිට වග දුම්රිය ස්ථානය දක්වා ‘සීතාවක ඔඩිසි’ සුඛෝපභෝගි සති අන්ත දුම්රිය අද සිට ජනතාවට විවෘත වන බව දුම්රිය දෙපාර්තුමේන්තුව පවසනවා.
එහි නියෝජ්ය සමාන්යාධිකාරී, ඊ.එස් පොල්වත්තගේ මහතා සඳහන් කළේ, කොළඹ කොටුවෙන් ගමන් ආරම්භ කරන දුම්රිය ‘වග‘ දුම්රිය ස්ථානය දක්වා ධාවනය වන බවයි.
ආසන 44 බැගින් වූ වායු සමනය කළ මැදිරි 02ක්, මෙහි පවතින බව ඔහු සදහන් කළා.
එමෙන්ම ආසන 44 බැගින් වූ සාමාන්ය මැදිරි 03ක් හා ආසන 74කින් සමන්විත එක් මැදිරියකින් ඔඩිසි දුම්රිය සමන්විතයි .
මෙම දුම්රිය කොළඹ කොටුව දුම්රිය ස්ථානයෙන් පෙරවරු 7.15 ට පිටත් වී අවිස්සාවේල්ල දුම්රිය ස්ථානයට පෙරවරු 9.35 ට ළගාවීමට නියමිත අතර අවිස්සාවේල්ල දුම්රිය ස්ථානයෙන් පස්වරු 5.25ට පිටත් ව රාත්රී 8.03ට කොළඹ කොටුව දුම්රිය ස්ථානයට ළඟා වනු ඇති.
