උත්සව සමයේ බීමත්ව රිය ධාවනය කරන රියදුරන් අත්අඩංගුවට ගැනීම සඳහා දවසේ පැය 24 පුරා මෙහෙයුම් සිදු කිරීමට සැලසුම් කර ඇතැයි පොලිසිය පවසනවා.
පොලිස් මාධ්ය ප්රකාශක ජ්යෙෂ්ඨ පොලිස් අධිකාරී නිහාල් තල්දූව කියාසිටියේ වාහනයක තවත් පිරිසක් ගමන් කරන්නේ නම් බීමත්ව රිය ධාවනය කිරීමට රියදුරාට අවස්ථාවක් ලබා නොදෙන ලෙසටයි.
බීමතින් කිසියම් අයෙකු රිය ධාවනය කරන්නේ නම් එය එහි ගමන් කරන අනෙක් පුද්ගලයන්ගේ ද ජීවිතවලට අවදානමක් බවයි ඔහු පෙන්වා දෙන්නේ.
විශේෂයෙන්ම බීමත්ව රිය ධාවනය නොකරන ලෙසට පොලිස් මාධ්ය ප්රකාශකවරයා පැදිකරුවන්ගෙන් ද ඉල්ලීමක් කරනවා.
මේ අතර උත්සව සමයේ තමන් පදිංචි ප්රදේශවලින් බැහැරව යන විනෝද ගමන් අතර ප්රවේශමෙන් කටයුතු කරන ලෙසට පොලිසිය ජනතාවට දැනුම් දෙනවා.
බීමත්ව දිය නෑම ඇතුලු අවදානම් කටයුතුවල නිරත නොවන ලෙසටයි දැනුම් දෙන්නේ.
මෙවැනි ගමන් අතර අනතුරුදායක බවට දැනුම්දී ඇති ස්ථානවල දිය නෑමෙන් වළකින ලෙසට සහ කඳු සහිත ප්රදේශවල වැසි පවතින අවස්ථානවල ගංගා ආශ්රිතව දිය නෑමෙන් වලකින ලෙසට ද පොලිසිය ඉල්ලීමක් කරනවා.
එමෙන්ම වන්දනා සහ විනෝද චාරිකා අතර කුඩා ළමුන් සහ වයෝවෘද්ධ පුද්ගලයන් සම්බන්ධයෙන් ද විශේෂ සැලකිල්ලක් දක්වන ලෙසට පොලිස් මාධ්ය ප්රකාශක ජ්යෙෂ්ඨ පොලිස් අධිකාරී නිහාල් තල්දූව මහතා ප්රකාශ කළා.
බීමත්ව දිය නෑම හේතුවෙන් හෝටල්වල ඇති නාන තටාක ද ඇතුලුව විවිධ ස්ථානවල මරණ සිදුව ඇති බවටයි පොලිස් මාධ්ය ප්රකාශකවරයා පෙන්වා දෙන්නේ.
වෙරළ කලාපයේ දිය නෑමට යාමේදී අවදානම් තත්ත්වයන් පිළිබඳ සැලකිලිමත් විය යුතු අතර හෝටල් ආශ්රිතව සේවය කරන සේවකයන්ගෙන් ලැබෙන උපදෙස් අනුව ක්රියාත්මක වන ලෙසටයි පොලිසිය ඉල්ලා සිටින්නේ.
