Rajapura Handi Oil
Rajapura Diabetic Powder

QR ක්‍රමයට ලියාපදිංචි වූ වාහන ලක්ෂ 14 ක් තෙල් අරන් නෑ

ජාතික ඉන්ධන අවසරපත් ක්‍රමය හෙවත් QR ක්‍රමවේදය මගින් ඉන්ධන මිලදී ගැනීමට ලියාපදිංචි වන වාහන ප්‍රමාණය ඉහළ ගොස් තිබුණත් ඉන්ධන පාරිභෝජනය සැලකිය යුතු මට්ටමින් පහළ ගොස් ඇතැයි (23 දා) QR ප්‍රගති සමාලෝචනයේදී හෙළි වී තිබේ. QR ක්‍රමවේදය යටතේ රථ වාහන ලක්ෂ හැටකට වඩා ලියාපදිංචි වී ඇති අතර ඉන් වාහන ලක්ෂ 46 ක් මෙම ක්‍රමවේදය යටතේ ඉන්ධන මිලදී ගෙන ඇත.

නමුත් QR ක්‍රමයට ඉන්ධන මිලදී ගැනීමට ලියාපදිංචිය ලැබූ වාහන ලක්ෂ හැටෙන් ලක්ෂ දාහතරක්ම ඉන්ධන ලබාගෙන නැත. ඊට හේතුව සිතාගත නොහැකි බව මේ පිළිබඳ තෙල් සංස්ථාවෙන් කළ විමසීමකදී පැවසීය.

මේ අතර රථ වාහන නොවන අවශ්‍යතා වන කර්මාන්ත, ආයතන සඳහා ඉන්ධන ලබාදීමේ වැඩපිළිවෙළක් වහා සැකසීමට විදුලිබල හා බලශක්ති ඇමැති කංචන විජේසේකර මහතා තීරණය කර ඇත.

මේ වනවිට රථ වාහන නොවන අංශ සඳහා ඉන්ධන ලබාදීමේ ක්‍රමවේදයේ අඩුපාඩු මත මෙම පියවර ගැනීමට නියමිතය.

  1. උන්ට හිතාගන්න බෑ ලු , අපිනම් දන්නව ඉන්දන මිල 4 ගුණයකින් වැඩි වෙලා , අනෙකුත් අත්‍යවශ්‍ය භාණ්ඩ මිලත් එහෙමයි ඉතිං මිනිස්සුන්ට එදා වේලවත් හරියට කන්න නැතිව තෙල් ගහන්නෙ කොහොමද? තේල් ගහන එක විතරක් නෙමෙයි මිනිස්සු කන වේල් ගනනත් අඩු කරල තියෙන්නෙ මේක තේරෙන්නෙ නැති හරක් තමයි ඉන්නෙ.