මුදල් අමාත්ය බැසිල් රාජපක්ෂ මහතා වැළඳගැනීමට රටේ ජනතාව සූදානම් නැතැයි මහාචාර්ය පූජ්ය මැදගොඩ අභයතිස්ස හිමියන් පැවසීය. ආණ්ඩුවේ පක්ෂ 11ක සාමාජිකයන් සමඟ අද (25) පැවති සාකච්ඡාවේදී උන්වහන්සේ ආණ්ඩුවෙන් ඉල්ලා සිටියේ, මුළු රටම හරි මඟට වැඩසටහනේ එකඟ විය නොහැකි කරුණු ඇත්නම් ඒ සම්බන්ධයෙන් වහාම ප්රකාශයක් සිදුකරන ලෙසය.
මහාචාර්ය පූජ්ය මැදගොඩ අභයතිස්ස හිමි,
“ඉදිරිපත් කළ යෝජනාවලියට විරෝධයක් ඇත්නම්.. නොහැකියා තිබේ නම් ඉදිරිපත් කරන්න. සර්ව පාක්ෂික සමුළුවේදී ණය ගන්න කියලා දෙනවා. ණයවලින් හිරවෙන්න වුවමනා නැහැ. ඒක හරියට පරණ හිඟන්නා අලුත් හිඟන්නට හිඟාකන්න කියාදෙනවා වගේ.”
“සුමන්තිරන් 13ට එහා ගිය විසඳුමක් බලාපොරොත්තුවෙන් බොරදියේ මාළු බාන්න පටන්ගෙන. ආණ්ඩුවේ ඇතැමුන් කල්පනා කරනවා යටත්වීම්, පවරාදීම් කමක් නැහැ කියයි කියලා.”
“බලයට ගෙද්දි හිටපු මිනිස්සු නෙවෙයි ලොකු වුණේ. ජන නායකයින්ව වැරදි පාරක අරන් ගියා. වැරදිලා තියෙන්නේ රටට… හොඳම කෙනා කියලා තැනකට ගෙනත් ජාතිමාමක පිරිස පච කරලා.”
“ගැත්තන්ට නටන්න පුළුවන් පසුබිම හැදෙනවා. 69ලක්ෂයේ පාරිශුද්ධ අදහස තේරුම්ගන්න. ආධ්යාත්මය කියවන්න බැරි පාලකයෙක් මොකට ද?”
“මම ජනපතිට කිව්වා.. හැත්ත බුරුත්ත පැත්තකින් තියන්න කියලා. බැසිල් සහෝදරයෙක් විදියට හොඳ ඇති. ජනතාව බැසිල්ව වැළඳගන්න කැමති නැහැ. ඇමතිකමින් අයින් කරන්න පුළුවන්. අපිව මොකෙන් අයින් කරන්න ද? අපිව අයින් කරන්න පුළුවන්… එච්චරයි. අපේ සියල්ල මවුබිම. කනගාටුයි ටිකක් සැරට කිව්වාට.”
ජාතික නිදහස් පෙරමුණේ නායක විමල් වීරවංශ මහතා,
“පාර්ලිමේන්තුව මුකුත් දන්නේ නැහැ. ඇතැම් ගිවිසුම්වලින් ස්වෛරීත්වයට බලපෑම්. MCC ගිවිසුම යළිත් කරලියට ගෙන ඒමේ සූදානමක් තියෙනවා. අපිට වගකීමක් තිබෙනවා මේ ගමනට එරෙහිවන්න. ගත හැකි සෑම පියවරක්ම ගන්නවා.”
