මේ වන විට ජනාධිපතිවරයා විසින් 2026 වසර සඳහා වන අයවැය කතාව පවත්වමින් සිටිනවා.
එහිදී ජනාධිපතිවරයා විසින් පහත කරණු සඳහන් කරනු ලැබුවා.
- ලොකු ළූනු, අර්තාපල් සහ බඩ ඉරිඟු ඇතුළු ආහාර භෝග නිෂ්පාදනවල මිල උච්චාවචනය අවම කර ගැනීම සඳහා සතොස මඟින් සපයන සේවාවට අදාළ යාන්ත්රණය ශක්තිමත් කිරීමට හා ගබඩා කරණයේ පහසුකම් වැඩිදියුණු කිරීමට රුපියල් මිලියන 1,000 ක්.
- දඹුල්ල ශීතාගාර කෘෂි ගබඩාවට සූර්ය පැනල පද්ධතියක් ස්ථාපනය කිරීම සඳහා රුපියල් මිලියන 250ක්
- මාතලේ, මහනුවර හා වියලි කලාපයේ ශක්යතාවයක් සහිත ප්රදේශයන්හි කෘෂි නිෂ්පාදනය ඉහළ නැංවීමට කටයුතු කරනවා. ඒ වෙනුවෙන්, හඳුනාගත් වාරිමාර්ග ක්රම 400 ක් සඳහා රුපියල් මිලියන 4,000 ක් මධ්ය කාලීන අයවැය රාමුව තුළ ලබා දීමට යෝජනා කරන අතර, ඉන් වාරිමාර්ග ක්රම 100 ක් 2026 වසරේ දී ක්රියාත්මක කිරීමට රුපියල් මිලියන 1,000 ක් වෙන් කිරීමට යෝජනා කරනවා.
- වර්තමාන දේශීය කිරි නිෂ්පාදනය රටෙහි කිරි අවශ්යතාවයෙන් සියයට 40 ක් පමණ සපුරාලීම සඳහා ප්රමාණවක් වන අතර, කිරි හා කිරි ආශ්රිත නිෂ්පාදන ආනයනය සඳහා වාර්ෂිකව සැලකිය යුත් විදේශ විනිමය ප්රමාණයක් වැය වෙනවා. කිරිවලින් ස්වයං පෝෂිතවීම සඳහා වසරකට දළ වශයෙන් කිරි ලීටර් මිලියන 1,200 ක් නිෂ්පාදනය කළ යුතුයි.
- 2030 වසර වන විට දේශීය කිරි අවශ්යතාවයෙන් සියයට 75 ක් සපුරාලීමේ ඉලක්කය වෙත ළඟා වීම සඳහා කිරි නිෂ්පාදන ජාතික වැඩසටහන සැලසුම් කර තිබෙනවා.
- දේශීය කිරි නිෂ්පාදනය ඉහළ නැංවීමට රුපියල් මිලියන 1,000 ක ප්රතිපාදන ” සුළු හා මධ්ය පරිමාණ පශු සම්පත් සංවර්ධන වැඩසටහන ” යටතේ වෙන් කිරීමට යෝජනාවක්.
- උසස් ආරයේ කිරි ගවයින් සහ සුකර ප්රභේද කිහිපයකට අයත් අභිජනන ඒකක වැඩි දියුණු කිරීමට හා පෝෂ්යය තෘණ වගා කිරීමට රුපියල් මිලියන 1,000ක් .
- මිල්කො (ප්රයිවට්) ලිමිටඩ් හි බඩල්ගම නව කිරි කර්මාන්ත ශාලාවේ ඉදිකිරීම් කටයුතු නැවත ආරම්භ කිරීමට රුපියල් මිලියන 3,000 ක්. මෙහි වැඩ කටයුතු කඩිනමින් අවසන් කර, දැනට නාරාහේන්පිට ඇති කිරි කර්මාන්ත ශාලාව මෙම ස්ථානයට ගෙන යාමට යෝජනාවක්.
