කලවන්චිකුඩි පොලිස් වසමේ, පෙරයකල්ලාරු ප්රදේශයේ දී පසුගිය ජනවාරි මස 10 වන දින ජීවිතක්ෂයට පත්ව ඇති 12 හැවිරිදි දැරියගේ මරණයට හේතුව අනාවරණය වී තිබේ. පොලිස් මාධ්ය ප්රකාශක, නියෝජ්ය පොලිස්පති අජිත් රෝහණ මහතා පවසා සිටියේ, දැරියගේ මරණය සම්බන්ධයෙන් තිබු සැකයක් මත මඩකලපුව රෝහලේ විශේෂඥ අධිකරණ වෛද්ය නිලධාරීවරයා විසින් ඊයේ (23) දිනයේ දී පුර්ණ පශ්චාත් මරණ පරීක්ෂණය නිකුත් කර ඇති බවය. එහිදී දැරියට දීර්ඝ කාලයක සිට කළ පහරදීමක් හේතුවෙන් ඇති වු තුවාලවලින් විෂබීජ ශරීර ගත වී මරණය සිදුව ඇතැයි අනාවරණය වී තිබේ.
අදාළ දැරියගේ මරණය සම්බන්ධයෙන් ජනවාරි මස 30 වන දින කාන්තාවන් තිදෙනෙක් ඇතුළු 6 දෙනෙක් අත්අඩංගුවට ගෙන අධිකරණයට ඉදිරිපත් කර සිටී. දැරියගේ මව විදේශ ගතව ඇති බැවින් මවගේ සහෝදරියක් විසින් දැරිය රැකබලාගෙන ඇතැයි ද වාර්තා වේ. කෙසේවෙතත් ඊයේ දිනයේ දී ලද පශ්චාත් මරණ පරීක්ෂණ වාර්තාවෙන් පසුව ඉදිරියේ දී මනුෂ්ය ඝාතනයක් සිදුකිරීමේ චෝදනාව යටතේ රිමාන්ඩ් භාරයේ පසුවන සැකකරුවන්ට ඉදිරියේ දී නඩු පැවරීමට නියමිත බව ද පොලිස් මාධ්ය ප්රකාශකවරයා පැවසීය.
wpDiscuz
