ගෑස් මිල ඉහළ යාමත් සමඟ සිය නිෂ්පාදනවල මිල ගණන් සංශෝධනය කිරීම පිළිබඳ අවසන් තීරණය හෙට (06) පෙරවරුවේ ප්රකාශය පත්කරන බව සමස්ත ලංකා ආපනශාලා හිමියන්ගේ සංගමය සඳහන් කරනවා.
එම සංගමයේ සභාපති අසේල සම්පත්ගෙන් අප කළ විමසීමක දී ඔහු සඳහන් කළේ සංගමයේ අනකුත් සාමාජිකයින් සමඟ අද පස්වරුවේ පැවැත්වෙන සකච්ඡාවකින් අනතුරුව මිල සංශෝධනයන් පිළිබඳව තීරණ ගන්නා බවයි.
ගෑස් මිල ඉහළ යාමත් සමඟ සිය නිෂ්පාදන හා සේවාවල මිල ඉහළ දැමීමට සිදුවනු ඇති බවයි ඔහු වැඩිදුරටත් සඳහන් කළේ.
අද (05) මධ්යම රාත්රියේ සිට ගෑස් මිල ඉහළ දැමීමට ලිට්රෝ සමාගම තීරණය කළා.
මේකනම් හරිම අසාදාරණයි, පොඩ්ඩක් හිතන්න පාන්පිටි කිලෝව රුපියල් 200/= ට අඩුවෙලා තියෙනව එතකොට පාන්, බනිස් මිල පහල දැම්මද..? ගෑස් මිල රුපියල් 4980/= වගේ තියෙද්දි බිත්තර කොත්තුවක් රුපියල් 300/= දුන්නෙ පිටිමිල 340/= සහ බිත්තර මිල අඩුවට තියෙද්දි.. එතකොට බිත්තර දැන් 44 තියෙද්දි ත් පාන්පිටි 200/= ට තියෙද්දිත් ගෑස් 4700/= ගනන් වෙනකොට මෙයාලගෙ මිල සූත්රය මොකද්ද.. ඒ වගේම තමයි මුරුක්කු වර්ගත්, ඒවයෙ කිලෝවක මිල රුපියල් 1800/= මේව පාලනය කරන්න කෙනෙක් මේ රටේ නැද්ද ..