උතුරු පළාත පුරා හර්තාලය ක්රියාත්මකවූ අද (25) දිනයේ පොදු ප්රවාහන සේවා ඇන හිට තිබු නමුත් ලංකා ගමනා ගමන මණ්ඩලයට අයත් බස් රථ බොහොමයක් උතුරු පළාත පුරා සාමාන්ය පරිදි ධාවනය සිදු කෙරුණා.
කෙසේ වෙතත් අද (25) අලුයම මුලතිව් සිට යාපනය බලා ධාවනයවූ ලංකා ගමනා ගමන මණ්ඩලයට අයත් බස් රථයකට සෙල්වපුරම් ප්රදේශයේදී කිසියම් පිරිසක් විසින් ගල් ප්රහාරයක් එල්ල කර තිබෙනවා.
මෙම ගල් ප්රහාරයෙන් බස් රථයේ ඉදිරිපස වීදුරුවට හානි සිදුව ඇති අතර බස් රථයේ රියදුරටද තුවාල සිදුව තිබෙනවා.
අදාළ ගල් ප්රහාරය සම්බන්ධයෙන් බස් රථයේ රියදුරා හා කොන්දොස්තරවරයා මුලතිවු පොලිසියට පැමිණිලි කොට ඇති අතර එම මාර්ගයේ ධාවනය වූ ලංගම බස් රථ සදහා පොලිස් ආරක්ෂාව ලබා දීමට මුලතිව් පොලිසිය කටයුතු කොට තිබෙනවා.
