ඉන්ධන පිරවුම්හලක් තුළ දී හමුදා නිලධාරියෙකු විසින් තරුණයෙකුට පහර දෙන අයුරු දැක්වෙන වීඩියෝවක් මේ වන විට සමාජ මාධ්ය තුළ සංසරණය වනවා.
කුරුණෑගල, යග්ගපිටිය ප්රදේශයේ පිහිටි ඉන්ධන පිරවුම්හලක දී මෙම පහරදීම සිදුකර ඇති බවටයි තොරතුරු වාර්තා වුණේ.
කෙසේ වෙතත් අදාල වීඩියෝව සමාජ මාධ්ය මාධ්ය වෙත මුදාහැරී පුද්ගලයාට, විවිධ පුද්ගලයින් විසින් මේ වනවිට දුරකථනය ඔස්සේ තර්ජන එල්ල කරන බව අදාල පුද්ගලයා අප සමඟ සඳහන් කළා.
මෙම තර්ජන හමුවේ තමන් මේ වනවිට බියට පත්ව සිටින බවයි ඔහු වැඩිදුරටත් අප සමඟ ප්රකාශ කර සිටියේ.
මේ අතර අදාල පහරදීමේ සිද්ධිය සම්බන්ධයෙන් විමර්ශන ආරම්භ කර ඇති බව යුද හමුදාව පවසනවා.
මේ අතර එම නිලධාරියාගේ ක්රියාකලාපය සම්බන්ධයෙන් ආයතනික මට්ටමින් පරීක්ෂණයක් සිදුකරන බවයි හමුදා මාධ්ය ප්රකාශකවරයා සඳහන් කර සිටියේ.
