මේ වනවිට රැඳවුම් භාරයේ සිටින හිටපු බුද්ධි අංශ ප්‍රධානී සුරේෂ් සලේ විවිධ වධ හිංසනයන්ට ලක්කර ඇති බවට ලැබුණු පැමිණිල්ල සම්බන්ධයෙන් තවදුරටත් විමර්ශන සිදුකරන බව ශ්‍රී ලංකා මානව හිමිකම් කොමිෂන් සභාව සඳහන් කරනවා.
ඒ, අනුව අද (16) දිනයේත් ඒ සම්බන්ධයෙන් අපරාධ පරීක්ෂණ දෙපාර්තමේන්තුවේ නිලධාරීන්ගෙන් ප්‍රකාශ ලබාගැනීම සිදුවන බවයි එම කොමිෂන් සභාව පැවසුවේ.
මානව හිමිකම් කොමිෂන් සභාව වෙත පසුගිය දින කිහිපයේ ඉදිරිපත් වූ පැමිණිලි මත සුරේෂ් මහතා රඳවා සිටි සිරමැදිරිය පිළිබඳව විශේෂ පරීක්ෂාවක් සිදුකර ඇති බවද වාර්තා වනවා.
ඔහු අපරාධ පරීක්ෂණ දෙපාර්තමේන්තුවේ සාමාන්‍ය සිරමැදිරියක රඳවා තබා සිට ඇති අතර, එම සිරමැදිරිය තුළට නිසිපරිදි වාතාශ්‍රය නොලැබීම ඇතුළු පොදු මූලික අඩුපාඩු රැසක් නිරීක්ෂණය වී වූ බවයි මානව හිමිකම් කොමිෂන් සභාව පැවසුවේ.
ඒ, පිළිබදව අපරාධ පරීක්ෂණ දෙපාර්තමේන්තුවේ නිලධාරීන් වෙත දැනුවත් කිරීමට ද මානව හිමිකම් කොමිෂන් සභාව පියවර ගෙන තිබෙනවා.
හිල්ටන් හෝටලයේ කාමරයක් දුන්නනම් හරි ගෙදර අයටත් එක්ක