විදේශිකයෙකුට අයත් සුනඛයෙකු සපාකෑම හේතුවෙන් අලුත්ගම කළුවාමෝදර ප්රදේශයේ පුද්ගලයන් තුන්දෙනෙකු තුවාල ලබා තිබෙනවා.
තුවාල ලැබූ පුද්ගලයන් කලුතර නාගොඩ ශික්ෂණ රෝහලේ ප්රතිකාර ලබන බවයි අප වාර්තාකරුවන් සඳහන් කළේ.
බෙන්තොට ප්රදේශයේ සංචාරක නිකේතනයක නවාතැන් ගෙන සිටින ප්රංශ ජාතිකයෙකුට අයත් සුනඛයෙක් අද දහවල් බැඳ තිබූ දම්වැල කඩාගෙන කලුවාමෝදර ප්රදේශයට පැමිණ තිබෙනවා.
එහිදීයි එම සුනඛයා විසින් පුද්ගලයන් තුන්දෙනෙකු සපා කා ඇත්තේ.
ග්රේට් ඩේන් වර්ගයේ මෙම සුනඛයා ගේ සුරතල් ආමන්ත්රණය ලකී බව සඳහන්.
පොලිසිය සඳහන් කළේ සුනඛයා සපා කෑමෙන් තුවාල ලැබූ එක් පුද්ගලයෙකු ශල්යකර්මයකට ද භාජනය කර ඇති බවයි.
තුවාල ලැබූවන්ට අවශ්ය වෛද්ය ප්රතිකාර සඳහා සියලු මූල්ය පහසුකම් සැලසීමට විදේශිකයා එකගවී ඇති අතර අලුත්ගම පොලිසිය පරීක්ෂණ සිදුකරනවා.
