සුඩානයේ ගැටුම් හේතුවෙන් කොටුවී සිටි තවත් ශ්රී ලාංකිකයින් 6 දෙනෙකු බේරාගෙන තිබෙනවා.
විදේශ අමාත්යවරයා ට්විටර් පණිවුඩයක් නිකුත් කරමින් සඳහන් කළේ ජෙඩාහි කින් ෆයිසාල් නාවුක කඳවුරට රැගෙන ආ එම පිරිස භාර ගෙන ඇත්තේ ජෙඩාහි වැඩ බලන ශ්රී ලංකා කොන්සල් ජනරාල්වරයා විසින් බවයි.
සුඩානයේ කොටුවී සිටි ශ්රී ලාංකිකයින් 13 දෙනෙකු පසුගියදා ද නිරුපද්රිතව බේරාගනු ලැබුවා. ජෙඩා වෙත රැගෙන ආ එම පිරිස එහි වැඩබලන කොන්සන් ජෙනරාල් කාර්යාලයේ නිලධාරීන් භාරයට පත් කෙරුණා.
සෞදි අරාබියේ සහාය ඇතිව මෙම ශ්රී ලාංකිකයින් මුදාගෙන තිබෙනවා.
සුඩානයේ කොටුවී සිටින සමස්ත ශ්රී ලාංකිකයින් ගණන 41 දෙනෙකු බව සඳහන්.
ඉතිරි පිරිස ද ඉන්දියාවේ හෝ සෞදි අරාබියේ සහය ඇතිව නිරුපද්රිතව බේරා ගැනීමටයි ශ්රී ලංකාව අපේක්ෂා කරන්නේ.
