සජිත් සහ ඩලස්ගෙන් ඒකාබද්ධ ප්‍රකාශයක්

විපක්ෂ නායක සජිත් ප්‍රේමදාස සහ අනුප්‍රාප්තික ජනාධිපති ධුරයට තරග වදින පාර්ලිමේන්තු මන්ත්‍රී ඩලස් අලහප්පෙරුම අද එකාබද්ධ ප්‍රකාශයක් අද (19) සිදුකළා.

එහිදී පාර්ලිමේන්තු මන්ත්‍රී ඩලස් අලහප්පෙරුම පවසා සිටියේ අද ආරම්භ වනුයේ සම්මුතිවාදී ගමනක් බවත් දියවන්නාවෙන් ඔබ්බට ජනතාවගේ ජීවිත ගොඩනැංවීමේ අරගලය වෙනුවෙන් ඇප කැප වෙන බවයි.

අනුප්‍රාප්තික ජනාධිපති ධූරය සඳහා තරග වැදීමට තීරණය කර සිටි විපක්ෂ නායක සජිත් ප්‍රේමදාස මේ මොහොතේ රටේ ජනතාවත් වෙනුවෙන් ඓතිහාසික තීන්දුවක් ගත් බව පැවැසූ ඩලස් අලහප්පෙරුම, රටේ දේශපාලනයට සැබෑ නව සංස්කෘතියක් හඳුන්වාදීම වෙනුවෙන් කැපවන බව එහිදී සඳහන් කළා.

මේ රටේ ජනතාවට ප්‍රජාතන්ත්‍රවාදී අයිතිවාසිකම් දිනා දෙමින්, 19 වන ව්‍යවස්ථා සංශෝධනය නැවත බලාත්මක කිරීමත් රට ආර්ථික සමාජ සංස්කෘතික වශයෙන් පෙරට රැගෙන යාමත් උදෙසා කැප වෙමින් මෙම තීන්දුව ගත් බවයි විපක්ෂ නායක සජිත් ප්‍රේමදාස මෙහිදී ප්‍රකාශ කළේ.

එමෙන්ම රටේ ජනතාවගේ අපේක්ෂාවන් මල් ඵල ගැන්වීම ඒකායන පරමාර්ථය බව පැවසූ විපක්ෂ නායකවරයා ඒ වෙනුවෙන් ඇප කැප වෙන බව සඳහන් කර සිටියා.

මෙම විශේෂ මාධ්‍ය හමුව අද (19) පාර්ලිමේන්තු පරිශ්‍රයේ දී පැවැත් වුණා.