ලෝක පූජිත ක්රිකට් ක්රීඩක කුමාර සංගක්කාර හා ඔහුගේ බිරිය යෙහාලි සංගක්කාර දඹුල්ල ප්රාදේශීය ලේකම් කාර්යාලය හරහා රජයේ ඉඩමක් වංචාවක් සිදුකර ලබාගත්තා යැයි කියන පුවතෙහි තොරතුරු වැරදි ලෙස භාවිතා කර ඇති බව ඉඩම් කොමසාරිස් ජනරාල් ජී.ඩී. කීර්ති ගමගේ මහතා කියා සිටියා.
ඉඩම් කොමසාරිස් ජනරාල් ජී.ඩී. කීර්ති ගමගේ මහතා මේ සම්බන්ධයෙන් කරුණු අනාවරණය කරමින් කියා සිටියේ, ඔවුන් දෙපළ දඹුල්ල ප්රදේශයේ ඉඩමක් මිලදී ගැනීමට ගොස් අදාළ ඉඩම ඔවුන් වෙත පැවරීමේදී ඊට අදාළ ඔප්පුවහි තොරතුරුවල ඇති ව්යාජභාවය තහවුරුවීමෙන් පසුව මේ සම්බන්ධයෙන් ඔවුන් දෙපළ විසින්ම තමාව ලිඛිතව දැනුත් කළ බවත්, මේ වංචාවේ සුලමුල සොයාගැනීමට හැකිවූයේ සංගක්කාර හා ඔහුගේ බිරිය ලබාදුන් සහයෙන් බවද ගමගේ මහතා පැවසීය. ඒ මොහොතේ වගකිවයුතු පුරවැසියකු ලෙස සංගක්කාර මහතා අවංක ප්රකාශයක් කිරිම සම්බන්ධයෙන් තමා ඉතා ඉහලින් අගය කරන බවද කියා සිටියේය.
මේ අතර, කුමාර සංගක්කාර මහතා හා ඔහුගේ බිරිඳ යෙහාලි සංගක්කාර විසින් මේ චංචාව සම්බන්ධයෙන් තොරතුරු ලද වහාම ඔවුන් ඉඩම් කොමසාරිස්වරයා වෙත යොමුකරන ලද ලිපිය හා ඒ සම්බන්ධයෙන් ඉඩම් කොමසාරිස්වරයා ස්තූතිකරමින් එවන ලද ලිපියද පිළිතුරු ලිපිය අප වෙත ලැබී තිබේ. එය අප විසින් පහත පළ කරන්නෙමු.
මේ ප්රවෘත්තිය සංගක්කාර මහතාගෙන් හෝ ඔහුගේ බිරියගේ විමසීමකින් තොරව පළකර තිබුණේ රජයේ පුවත්පතක් විසිනි.
