තමිල්නාඩුවේ නාගපට්ටිනම් ප්රාන්තයේ වේදාරන්යම් වෙරළ ආසන්නයේදී ශ්රී ලාංකික ධීවරයින් තුන් දෙනෙකු ඉන්දීය වෙරළාරක්ෂක බලධාරීන් විසින් සිය භාරයට ගෙන තිබෙනවා.
ඉන්දීය මාධ්ය වාර්තා කළේ, තමිල්නාඩු පොලිසියේ වෙරළාරක්ෂක කණ්ඩායම විසින් මෙම තිදෙනා ඔවුන්ගේ ධීවර යාත්රාවේ එන්ජිම ක්රියා විරහිත වීම හේතුවෙන් මුහුද මැද අතරමංව සිටියදී මෙලෙස සිය භාරයට ගෙන ඇති බවයි.
වයස අවුරුදු 25ත් 40ත් අතර වයස්වල පසුවන මෙම ධීවරයන් තිදෙනා යාපනය ප්රදේශයේ පදිංචිකරුවන් පිරිසක්.
ඔවුන් පසුගිය ඉරිදා යාන්ත්රික බෝට්ටුවකින් මසුන් ඇල්ලීම සඳහා මුහුදට ගොස් ඇති අතර එන්ජිම ක්රියා විරහිත වීම හේතුවෙන් මුහුද මැද අතරමං වී තිබෙනවා.
එලෙස සිටියදී යි ඉන්දීය වෙරළාරක්ෂක කණ්ඩායම ඔවුන්ගේ මුර සංචාරයේ යෙදී සිටියදී ශ්රී ලංකික ධීවරයන් සොයාගෙන ඇත්තේ.
වෙරළ ආරක්ෂක බලධාරීන් සඳහන් කර ඇත්තේ යාපනයේ පදිංචි 40 හැවිරිදි පී. රීගන්, 25 හැවිරිදි එස්. සිවකුමාර්, සහ 37 හැවිරිදි ඒ. ශ්රීකාන්තන් මෙලෙස තම භාරයට ගත් බවයි.
ඔවුන් සතුව තිබූ බෝට්ටුව සහ ධීවර උපකරණ තමිල්නාඩු වෙරළබඩ පොලිසිය භාරයට ගෙන තිබෙනවා.
