මාළු ආහාරයට ගැනීමෙන් කොරෝනා වෛරසය වැළදේයැයි සිතා මාළු ආහාරයට ගැනීමට ජනතාවට බියනොවන ලෙසට සමගි ජන බලවේගයේ පාර්ලිමේන්තු මන්ත්රී දිලීප් වෙදආරච්චි මහතා ජනතාවගෙන් ඉල්ලාසිටියි.
අද පැවැති මාධ්ය හමුවකට අමු මාළුවෙකුද රැගෙන ආ මන්ත්රීවරයා මාධ්ය හමුව අතරතුර අමු මාළුවා ආහාරයට ගනිමින් ජනතාවට පණිවුඩයක් ලබාදී තිබේ.
මන්ත්රීවරයා සදහන් කළේ තමන් ඊයේ (16) තංගල්ල වරායට ගිහින් මාළු රැගෙන ආ බවයි.
රටේ ජනතාවගෙන් ඉල්ලීමක් කරමින් දිලීප් වෙදආරච්චි පැවසුවේ මාළු ආහාරයට ගැනීමෙන් කිසිදු කොරෝනා රෝගයක් ආසාදනය නොවෙන බවයි.
එහිදී වැඩිදුරටත් අදහස් දැක්වූ මන්ත්රීවරයා මෙලෙස පැවසීය….
මේ මාළු අමුවෙන් කනකොට රසයි. ඒ නිසා මේ බලන්න ලේ.. අලුත් මාළු. මම කියන්න කැමති රජයට ප්රධාන ව්යාපාරිකයින්ගේ කූල්රූම් බද්දනට ගන්න. අරගෙන ධීවරයින්ගේ කූල්රූම් කරන්න. සහන මිලක් ලබාදෙන්න. ලබාදී ධීවරයා ගොඩනගන වැඩපිළිවෙලක් සකස් කරන්න.
