රජයේ සේවයේ නියුතු විශේෂඥ වෛද්යවරුන්ගේ සේවා කාලය වයස අවුරුදු 63 දක්වා දීර්ඝ කිරීමට අදාළ සෞඛ්ය අමාත්යංශයේ තීරණය අද මෝසමක් මාර්ගයෙන් අභියාචනාධිකරණයට දැනුම් දෙනු ලැබුවා.
සෞඛ්ය අමාත්යංශයේ ලේකම්වරයා විසිනුයි මේ බව තහවුරු කරමින් මෝසමක් අධිකරණය හමුවේ කරුණු ගොනු කළේ.
අමාත්ය මණ්ඩලය විසින් ගනු ලබන තීරණයකට යටත්ව වයස අවුරුදු 63 දක්වා රජයේ සේවයේ නියුතු විශේෂඥ වෛද්යවරුන්ට සේවා කාලය දීර්ඝ වන බවත් සෞඛ්ය අමාත්යාංශයේ ලේකම්වරයා සිය මෝසම මගින් සඳහන් කර තිබෙනවා.
මෙහිදී පෙත්සම්කාර වෛද්යවරු වෙනුවෙන් පෙනී සිටි ජනාධිපති නීතිඥ සංජීව ජයවර්ධන මහතා සඳහන් කළේ මෙම දැනුම් දීම සම්බන්ධයෙන් තම සේවාදායකයින් සෑහීමට පත්වන බවයි.
මෙම තීරණය අමාත්ය මණ්ඩලය විසින් අනුමත නොකලොත් ගැටලුවක් මතුවිය හැකි නිසා පෙත්සම යළි කැඳවීමට දිනයක් ලබා දෙන ලෙස පෙත්සම්කාර පාර්ශ්වය වෙනුවෙන් පෙනී සිටි තවත් ජනාධිපති නීතිඥවරෙකු වන රොමේෂ් ද සිල්වා මහතා මහතා ඉල්ලා සිටියා .
ඒ අනුව පෙත්සම යළි සැප්තැම්බර් මස 01 වනදා කැදවන ලෙසත් නියෝග කෙරුණා.
