විශ්වාසභංගයට ජනතා විමුක්ති පෙරමුණේ සහාය ලබාදෙන බව පාර්ලිමේන්තු මන්ත්රී විජිත හේරත් මහතා පැවසීය.
ආණ්ඩුවට එරෙහිව විශ්වාසභංගයක් ගෙන ඒම සඳහා පාර්ලිමේන්තු මන්ත්රීවරුන්ගේ අත්සන් ගැනීම මේ වනවිට සිදුවෙමින් පවතී.
ඒ සමගි ජන බලවේගයේ මන්ත්රීවරුන්ගේ ප්රධානත්වයෙනි.
රට තුළ දැවැන්ත ආර්ථික අර්බුදයක් ඇතිවී තිබෙන බවත් මේ වනවිට එය විශාල දේශපාලන අර්බුදයක් දක්වා ගමන් කරමින් ඇති බවත් ඊට කඩිනමින් විසඳුම් අවශ්ය බවත් යෝජනා කරමින් මන්ත්රීවරුන් මෙම විශ්වාසභංග යෝජනාව ගෙනඒමට පියවර ගෙන තිබේ.
ඒ අනුව කරුණු කඩිනමින් වෙනස්විය යුතු කරුණු කිහිපයක් ගැන සඳහන් කරමින් අදාළ යෝජනාව ජනාධිපතිවරයා වෙත ද යොමුකර ඇත.
එහි ඇතුළත් කරුණු කිහිපයක් වන්නේ,
ආණ්ඩුවේ ප්රතිපත්තිමය තීරණ ගැනීම සඳහා පාර්ලිමේන්තුව නියෝජනය කරන දේශපාලන පක්ෂවල නායකයින්ගෙන් සමන්විත ජාතික විධායක සභාවක් පිහිටුවීම.
සීමිත අමාත්යාංශ ගණනක් සහ ඒවායේ විෂය පථය ජාතික විධායක සභාව විසින් තීරණය කිරීම.
ජාතික විධායක සභාවේ උපදෙස් මත ජනාධිපති විසින් නව අගමැතිවරයෙකු පත් කිරීම.
ජාතික විධායක සභාවේ උපදෙස් මත ජනාධිපති විසින් සීමිත ඇමති මණ්ඩලයක් පත් කිරීම.
ඇමතිවරුන් වැටුප් නොලබා අනෙකුත් වරප්රසාද කප්පාදු කර කටයුුතු කිරීම.
සුදුසු සංශෝධන සහිතව 19වන ආණ්ඩුක්රම ව්යවස්ථා සංශෝධනය යළි සක්රිය කිරීම.
ආණ්ඩු වෙනස්වීම් සමග වෙනස් නොවන ජාතික ප්රතිපත්තියක් මාස 6ක කාලයක් තුළ සකස් කිරීම.
