විදුලි සැර වද්දවා වන අලියකු මරණයට පත් කළ පුද්ගලයෙකුට රුපියල් ලක්ෂ 2ක දඩයක් අධිකරණයෙන් නියම කර තිබෙනවා.
මෙලෙස දඩ මුදල් ගෙවන ලෙසට නියෝග කෙරුණේ මීට මාස තුනකට පෙර දිඹුලාගල බදනාගල ප්රදේශයේ දී වන අලියෙකුට විදුලි සැර වැදීමට සලස්වා ඝාතනය කළ පුද්ගලයකුටයි.
පිඹුරත්තෑව වනජීවී අඩවි ආරක්ෂක කාර්යාලයේ නිලධාරීන් විසින් මනම්පිටිය අධිකරණයේ දී පනවා තිබූ නඩුව විභාගයට ගත් අවස්ථාවේ සැකකරු වරද පිළිගැනීම හේතුවෙන් රුපියල් ලක්ෂ දෙකක දඩ මුදලක් ගෙවන ලෙස මහේස්ත්රාත්වරයා නියෝග කර තිබෙනවා.
