විදුලි කප්පාදු කාල සීමාවේ වෙනසක් නැහැ – මහජන උපයෝගිතා කොමිසම

කාර්මික දෝෂයකට ලක්ව තිබූ නොරෝච්චෝලේ ලක්විජය බලාගාරයේ තුන්වන ජනන යන්ත්‍රය අලුත් වැඩියාව කිරීමෙන් පසු යළි ජාතික විදුලි පද්ධතියට එක් කර තිබෙනවා.

එලෙස එම ජනන යන්ත්‍රයේ විදුලිය ජාතික විදුලි පද්ධතියට එක් කළ ද, විදුලි කප්පාදු කාල සීමාවේ අඩුවක් සිදුනොවන බව මහජන උපයෝගිතා කොමිසමේ සභාපති ජනක රත්නායක සඳහන් කළා.

සභාපතිවරයා වැඩිදුරටත් සඳහන් කළේ පැය දෙකයි විනාඩි විස්සක විදුලි කප්පාදුව ඉදිරියටත් පවත්වා ගැනීමට සිදුවනු ඇති බවයි.

මේ අතර ඉන්ධනවල ගුණාත්මකභාවය සම්බන්ධයෙන් ලැබුණු පැමිණිලි මත ආරම්භ කළ පිරවුම්හල් ආශ්‍රිත පොම්ප පරීක්ෂා කිරිම් අඛණ්ඩව සිදුකරන බවයි ඔහු සඳහන් කළේ.