හිටපු නියෝජ්ය පොලිස්පති වාස් ගුණවර්ධන මහතා සම්බන්ධ නඩුවකට අදාළව අපරාධ පරීක්ෂණ දෙපාර්තමේන්තුවේ හිටපු අධ්යක්ෂ ශානි අබේසේකර සහ උප පොලිස් පරීක්ෂක සුගත් මෙන්ඩිස් නිදහස් කර තිබෙනවා.
ගම්පහ මහේස්ත්රාත් අධිකරණයයි මෙම නියෝගය ලබාදුන්නේ.
කොළඹ අපරාධ කොට්ඨාශයේ විරෝධතා නොතකා, නීතිපති දෙපාර්තමේන්තුව සහ සැකකරුවන් වෙනුවෙන් නීතීඥවරුන් විසින් කරන ලද කරුණු දැක්වීම් අනුව ගම්පහ මහේස්ත්රාත්වරයා සැකකරුවන් 4 දෙනා නිදහස් කිරීමට නියෝග කර තිබෙනවා.
හිටපු ජ්යෙෂ්ඨ නියෝජ්ය පොලිස්පති වාස් ගුණවර්ධන, ඔහුගේ පුත්රයා ඇතුළුව පොලිස් නිලධාරීන් සිව් දෙනෙකුට එරෙහි නඩුවේ ව්යාජ සාක්ෂි නිර්මාණය කළ බවට අපරාධ පරීක්ෂණ දෙපාර්තමේන්තුවේ ප්රධානියා ලෙස කටයුතු කළ හිටපු ජ්යෙෂ්ඨ පොලිස් අධිකාරී ශානි අබේසේකරට චෝදනා එල්ල වී තිබෙනවා.
2013 වසරේ මැයි මාසයේදී කොළඹ ප්රදේශයේ ව්යාපාරික මොහොමඩ් ෂියාම් පැහැරගෙන ගොස් ඝාතනය කිරීම සම්බන්ධයෙන් නියෝජ්ය පොලිස්පති වාස් ගුණවර්ධන වරදකරු වී මරණ දඬුවම ද නියම වුණා.
ශානි අබේසේකර මහතා 2020 වසරේ ජූලි මාසයේදී අත්අඩංගුවට ගනු ලැබූ අතර හිටපු නියෝජ්ය පොලිස්පති වාස් ගුණවර්ධනට අදාළ විමර්ශනවලදී ප්රහාරාත්මක ආයුධ පනත සහ පුපුරණ ද්රව්ය උපකරණ පනත යටතේ ඔහුට චෝදනා එල්ල වී තිබෙනවා.
