ලුණුගම්වෙහෙර ඝාතනයේ ප්‍රධාන සැකකරු අල්ලයි

පසුගිය 04 වනදා රාත්‍රියේ ලුණුගම්වෙහෙර ප්‍රදේශයේ දී පුද්ගලයෙකු වෙඩිතබා ඝාතනය කිරීමේ සිද්ධියට සම්බන්ධ තිදෙනෙක් අත්අඩංගුවට ගෙන තිබෙනවා.

අත්අඩංගුවට ගැනුණු තිදෙනා අතර අපරාධයට සම්බන්ධ ප්‍රධාන සැකකරු ද සිටින බවයි වාර්තා වන්නේ.

අනෙක් දෙදෙනා ඝාතනයට අනුබල දුන් අය බවයි පොලීසිය පැවසුවේ.

සැකකරුවන් සමඟ ගිනිඅවි 02ක් ද පොලිස් භාරයට ගෙන ඇති බවයි වාර්තා වුණේ.

මොවුන් අද (08) දිනයේ තිස්සමහාරාම අධිකරණයට ඉදිරිපත් කිරීමට නියමිතයි.

ලුණුගම්වෙහෙර, පුංචි අප්පුජදුර ප්‍රදේශයේ පසුගිය 04 වනදා සිදු වූ වෙඩි තැබීමෙන් 34 හැවිරිදි පුද්ගලයෙක් ජීවිතක්ෂයට පත් වුණා.

.