තීරුබදු රහිතව නීති විරෝධීව මුහුදු මාර්ගයෙන් මෙරටට ගෙන්වන ලද රුපියල් ලක්ෂ 30කට ආසන්න වටිනාකමකින් යුතු මැන්චෙස්ටර් වර්ගයේ දුම්වැටි සන්තකයේ තබාගෙන ත්රිරෝද රථයකින් ප්රවාහනය කරමින් සිටි පුද්ගලයන් දෙදෙනෙකු පොලිස් විශේෂ කාර්ය බලකාය අත්අඩංගුවට ගෙන තිබෙනවා.
විශේෂ කාර්ය බලකාය කල්මුණ කඳවුරේ නිලධාරීන්ට ලද තොරතුරකට අනුව කල්මුණ කඳවුරු නිලධාරීන් කණ්ඩායමක් විසින් කල්මුණ පොලිස් වසමේ නජාත් කාර් සෙල් අසල දී මෙම වැටලීම සිදු කර ඇති බවයි වාර්තා වන්නේ.
මෙම නීතිවිරෝධී දුම්වැටි 20,200ක් සන්තකයේ තබාගෙන සිටි මරදමුණ 06 ප්රදේශයේ පදිංචි වයස අවුරුදු 72 ක පුද්ගලයකු හා කල්මුණ 03 ප්රදේශයේ පදිංචි වයස අවුරුදු 57ක පුද්ගලයකු අත්අඩංගුවට ගෙන වැඩිදුර විමර්ශන කටයුතු සඳහා කල්මුණ පොලිස් ස්ථානය වෙත භාර දී තිබෙනවා.
