මෙරට ඉස්ලාම් බැතිමතුන් අද (22) දිනයේ දී රාමසාන් උත්සවය සමරන බව කොළඹ මහ පල්ලිය ඊයේ නිවේදනය කළා.
ඊයේ (21) දිනයේ නව සඳ දර්ශනය වීමත් සමඟයි ඉස්ලාම් බැතිමතුන් මෙලෙස රාමසාන් සැමරීමට කටයුතු කරන්නේ.
ඉස්ලාම් බැතිමතුන් මසක පමණ කාලයක් උපවාසයේ නිරතවීමෙන් අනතුරුව එළඹෙන රාමසාන් උත්සවය ඔවුන්ගේ උත්සව අතර වැදගත්ම අවස්ථාවක් ලෙස සැලකෙනවා.
ලෝකවාසී ඉස්ලාම් බැතිමතුන් විසින් සමානාත්මතාවයේ දිනය හෙවත් ‘ඊදුල් ෆිතර්’ උත්සවය සමරන අතර, රාමසාන් උත්සවය ශ්රී ලංකාවාසී ඉස්ලාම් බැතිමතුන් විසින් හරසරින් සමරනු ලබනවා.
