මාතර – තිස්ස ප්රධාන මාර්ගයේ වීරවිල ප්රදේශයේ දී බස් රථයක් සහ යතුරුපැදියක් එකිනෙක ගැටී දරුණු අනතුරක් සිදුව තිබෙනවා.
මෙම අනතුරින් පුද්ගලයින් 18 දෙනෙකු තුවාල ලබා රෝහල් ගතකර ඇති බවයි වාර්තා වන්නේ.
තිස්සමහාරාම සිට මාතර බලා ධාවනය වූ පෞද්ගලික බස් රථයක් වීරවිල ප්රාදේශීය ලේකම් කාර්යාලය අසල දී යතුරුපැදියක ගැටී අනතුරුව මාර්ගයෙන් ඉවතට පැන අසල තිබූ ගසක ගැටීමෙන් මෙම අනතුර සිදුව තිබෙනවා..
අනතුරින් තුවාල ලැබූ පුද්ගලයන් දෙබරවැව රෝහලට ඇතුළත් කර ඇති අතර බරපතළ තත්ත්වයේ පසු වූ කිහිපදෙනෙක් වැඩිදුර ප්රතිකාර සඳහා හම්බන්තොට රෝහලට මාරුකර යැවීමටයි කටයුතු කර ඇත්තේ.
