මධ්‍යම කඳුකරයේ නැගෙනහිර මායිම් ප්‍රදේශවලට ඇදහැලෙන ධාරාණිපාත වර්ෂාව හේතුවෙන් එම ප්‍රදේශවල නුවරඑළිය – උඩුපුස්සැල්ලාව මාර්ගය සම්පූර්ණයෙන් ම ජලයෙන් යට වී තිබෙනවා.
අද (30) අලුයම් කාලයේ සිට ගිගුරුම් සහිත වර්ෂාපතනයක් එම ප්‍රදේශයට ඇදහැලෙමින් තිබෙන බවයි අප වාර්තාකරු සඳහන් කළේ.
මෙම මාර්ගය ජලයෙන් යටවීම හේතුවෙන් එම මාර්ගයේ රථවාහන ගමනාගමනයට බාධා එල්ල වී තිබෙනවා.
එමෙන්ම එම ප්‍රදේශයේ මාර්ග කොටස් මතට විශාල පස් කඳු කඩා වැටීම් ද දක්නට ලැබෙනවා.
මේ හේතුවෙන් ඒ අවටින් ගලා බසිනා කාසල්රි ජලාශයේ ද ජල මට්ටම ඉහළ ගොස් ඇති බවත් වාර්තා වනවා.
