අනාරක්ෂිත ලෙස යතුරුපැදියක ගමන් ගත් යුවළක් අත්අඩංගුවට ගෙන නීතිය ක්‍රියාත්මක කිරීමේ පුවතක් ඉන්දියාවේ මුම්බායි නගරයෙන් වාර්තා වනවා.
ඒ, ඔවුන් දෙදෙනා අනාරක්ෂිත ආකාරයට යතුරුපැදියක නැගී ගමන් ගන්නා අයුරු දැක්වෙන වීඩියෝවක් සමාජ මාධ්‍ය ඔස්සේ සංසරණය වීමත් සමඟයි.
මොවුන් දෙදෙනා සාලුවක් පැළඳ ස්කූටරයක එකිනෙකාට මුහුණ ලා වාඩි වී දෙදෙනා එකිනෙකා තදින් වැළඳගෙන ගමන් කරන අයුරු කිසියම් අයෙකු විසින් වීඩියෝ ගතකර මෙලෙස සමාජ මාධ්‍ය වෙත මුදාහැර තිබුණා.
එලෙස කාර්යබහුල මාර්ගයක ආරක්ෂිත හිස් ආවරණ ද නොමැතිව අනාරක්ෂිත ලෙස යත්රුපැදියක් ධාවනය කරන මොවුන්ට එරෙහිව පියවර ගන්නා ලෙසයි මුම්බායි රථවාහන පොලිසියෙන් බොහෝ පිරිසක් ඉල්ලා තිබුණේ.
ඒ අනුව මොවුන් දෙදෙනා අත්අඩංගුවට ගෙන නීතිය ක්‍රියාත්මක කිරීමට මුම්බායි පොලිසිය කටයුතු කර ඇති බවයි ඉන්දීය මාධ්‍ය වාර්තා කළේ.
