පුද්ගලයෙකු විසින් මහේස්ත්රාත්වරයෙකු නිවසක සිරකර ඔහුගේ සුඛෝපභෝගී මෝටර් රථය පැහැර ගෙන ගොස් ඇති බව වාර්තා වනවා.
පිළියන්දල, මඩපාත ප්රදේශයේ දී මෙම පැහැර ගැනීම සිදුව ඇති බවයි තොරතුරු වාර්තා වුණේ.
මහේස්ත්රාත්වරයාගේ නිවස කුලී පදනම මත ලබා ගැනීමට පැමිණි පුද්ගලයෙක් මහේස්ත්රාත්වරයා එම නිවසේ උඩුමහලේ සිරකර මෙලෙස සුඛෝපබෝගී මෝටර් රථය පැහැර ගෙන ගොස් තිබෙනවා.
පිළියන්දල, මඩපාත ප්රදේශයේ පිහිටි දෙමහල් නිවස කුලී පදනමට ලබාදීම සඳහා මහේස්ත්රාත්වරයා දැන්වීමක් පළකර ඇති අතර, ඒ අනුව ඊයේ (11) දින පුද්ගලයෙකු එම නිවස බැලීමට පැමිණ ඇති බවයි වාර්තා වන්නේ.
ඒ, අනුව ගැනුම්කරුවාට නිවස පෙන්වීම සඳහා මහේස්ත්රාත්වරයා සිය සුඛෝපභෝගි මෝටර් රථයෙන් අදාළ නිවසට පැමිණ තිබෙනවා.
එහිදී මහේස්ත්රාත්වරයා නිවස පෙන්වන අතරතුරු අදාළ පුද්ගලයා මහේස්ත්රාත්වරයා නිවසේ උඩුමහලේ සිරකර මෝටර් රථය රැගෙන පලාගොස් ඇති බවයි තොරතුරු වාර්තා වුණේ.
