බෙලිඅත්තේ පංච පුද්ගල ඝාතනයට ආධාර අනුබල දුන් සැකකරුවන් තිදෙනෙක් හුංගම පොලිස් ස්ථානයේ නිලධාරීන් විසින් අත්අඩංගුවට ගෙන තිබේ.මාතර කොට්ඨාස අපරාධ විමර්ශන අංශයේ නිලධාරීන් විසින් මාතර දී තවත් එක් සැකකරුවෙක් අත්අඩංගුවට ගෙන ඇත.
අවුරුදු 28, 42, හා 58 යන වයස්වල පසුවන මීගමුව, අලව්ව හා බූස්ස යන ප්‍රදේශවල පදිංචිකරුවන් එලෙස අත්අඩංගුවට ගෙන තිබෙනවා. මෙම සැකකරුවන් ඝාතනයට යොදාගත් ටී 56 ගිනිඅවි බැහැර කිරීම සම්බන්ධයෙන් හා අපරාධ සිදුකිරීමේ දී මුදල් ගනුදෙනු සිදුකිරීම සම්බන්ධයෙන් මොවුන් අත්අඩංගුවට පත්ව ඇත.
වැඩිදුර විමර්ශන බෙලිඅත්ත පොලීසිය විසින් සිදුකරයි.
