සෞඛ්‍ය හා ජනමාධ්‍ය අමාත්‍ය නලින්ද ජයතිස්ස මහතා සහ බංගලාදේශයේ හිටපු අමාත්‍ය හොසේන් සිලූර් රහ්මාන් (Dr.Hossain Zillur Rahman) මහතා අතර හමුවක් පැවැත්වුණා.
මෙම හමුව ඊයේ (19) සෞඛ්‍ය අමාත්‍යාංශයේ දී සිදු වූ බවයි සෞඛ්‍ය හා ජනමාධ්‍ය අමාත්‍යාංශය නිකුත් කළ මාධ්‍ය නිවේදනයේ දැක්වෙන්නේ.
හිටපු අධ්‍යාපන සහ වාණිජ අමාත්‍ය ආචාර්ය හොසේන් සිලූර් රහ්මාන් මහතා සහ ජනමාධ්‍ය අමාත්‍යවරයා අතර මෙම හමුවේ දී දෙරට අතර පවතින දිගු කාලීන මිත්‍රත්ත්වය සම්බන්ධයෙන් සාකච්ඡා කෙරුණා.
ඉදිරියටත් මෙම සහයෝගීතාව දෙරට අතර වර්ධනය කරගැනීම අපේක්ෂාව බවයි හොසේන් මහතා අවධාරණය කළේ.
නව රජයේ වැඩපිළිවෙළ පිළිබඳව හා මෙරට ක්‍රියාත්මක නිදහස් සෞඛ්‍ය සේවාවේ ඉදිරි ගමන් මග සම්බන්ධයෙන් ද මෙහිදී වැඩි වශයෙන් සාකච්ඡා කෙරුණා.
මෙම අවස්ථාවට සෞඛ්‍ය හා ජනමාධ්‍ය අමාත්‍යාංශයේ ලේකම් විශේෂඥ වෛද්‍ය අනිල් ජාසිංහ මහතා සහ බංග්ලාදේශ තානාපති කාරියාලයේ නිලධාරින් ද එක් ව සිටියා.
