ඉඩම් ආරවුලක් හේතුවෙන් අසල්වැසියන් දෙදෙනෙකු අතර ඇති වූ බහින් බස්වීමකින් පසු එක් පුද්ගලයෙක් තියුණූ ආයුධයකින් අනෙක් පුද්ගලයාගේ වෘෂණ කෝෂයක් කැපූ පුවතක් බදුල්ල, සූරියගොල්ල ප්රදේශයෙන් වාර්තා වනවා.
එහිදී බරපතළ තත්ත්වයේ පසුවූ පුද්ගලයා රෝබේරිය ප්රාදේශිය රෝහලට ඇතුලත් කිරීමෙන් පසු වැඩිදුර ප්රතිකාර සඳහා ඊයේ (13) රාත්රියේ බදුල්ල මහ රෝහල වෙත මාරුකර යවා ඇති බවයි වාර්තා වන්නේ.
මෙලෙස රෝහල් ගත කර ඇත්තේ පිටමාරුව, සූරියගොල්ල ප්රදේශයේ පදිංචි වයස අවුරුදු 41ක අවිවාහක පුද්ගලයෙක්.
තුවාල ලැබූ පුද්ගලයා තම වගා භූමියට ගොස් නැවත නිවසට පැමිණෙමින් සිටියදී අසල්වැසි මිතුරා ඊයේ රාත්රියේ ගමන් කළ මාර්ගයේ සැඟව සිට ඇති වූ බහින් බස් වීමකින් පසු සැකකරු අනෙක් පුද්ගලයාගේ සරම ගලවා අතෙහි වූ තියුණු ආයුධයකින් එක් වෘෂණ කෝෂයක් කපා තුවාල සිදුකර ඇති බවයි වාර්තා වන්නේ.
එහිදී තුවාල ලැබූ පුද්ගලයා ඔහුගේ ඥාතීන් හා ගම්වාසීන් විසින් වහාම රෝබේරිය ප්රාදේශීය රෝහලට ඇතුළත් කිරීමටයි පියවර ගෙන ඇත්තේ.
සිද්ධිය සම්බන්ධ සැකකරු අද (14) පස්වරුවේ අත්අඩංගුවට ගත බවයි මේ සම්බන්ධයෙන් පරීක්ෂණ පවත්වන මඩොල්සිම පොලිසිය සඳහන් කළේ.
