අයි.සී.සී පන්දුවාර විස්සයි විස්ස කාන්තා ලෝක කුසලාන ක්රිකට් තරගාවලියට සුදුසුකම් ලැබීමේ තරගාවලියේ ශූරතාව දිනා ගන්නට ශ්රී ලංකා කණ්ඩායම ඊයේ (07) සමත් වුණා.
ඒ, මෙම තරගාවලියේ අවසන් මහා තරගයේ දී ස්කොට්ලන්ත කාන්තා කණ්ඩායම ලකුණු 68 කින් පරාජය කරමින්.
මෙම තරගයේ කාසියේ වාසිය දිනූ ස්කොට්ලන්ත කාන්තා කණ්ඩායම පළමුව පන්දුවට පහරදීමට ශ්රී ලංකාවට ආරාධනා කළා.
ඒ, අනුව ශ්රී ලංකා කාන්තා කණ්ඩායම නියමිත පන්දුවාර 20 අවසානයේ කඩුලු 05ක් දැවී ලකුණු 169ක් රැස් කිරීමට සමත් වුණා.
එහිදී ශ්රී ලංකා නායිකා චමරි අතපත්තු ජාත්යන්තර දෙවන 20-20 ශතකය වාර්තා කරමින් ලකුණු 102ක් රැස් කළා.
පිළිතුරු ඉනිම සඳහා පන්දුවට පහරදුන් ස්කොට්ලන්ත ක්රීඩිකාවන්ට නියමිත පන්දුවාර විස්ස අවසානයේ කඩුලු 07ක් දැවී රැස්කිරීමට හැකිවූයේ ලකුණු 101ක් පමණයි.
මෙහිදී උදේෂිකා ප්රබෝධනී ලකුණු 13කට ස්කොට්ලන්ත ඉනිමේ කඩුලු 03ක් සමත් වුණා.
ඒ, අනුව අවසන් මහා තරගය ශ්රී ලංකා කාන්තා කණ්ඩායම ලකුණු 68කින් ජයග්රහණය වාර්තා කළා.
