ඩුබායි හි සේවය කරනු ලබන තවත් ශ්රී ලාංකිකයෙකු වන රසික නැමැත්තකු මෙවර “බිග් ටිකට් ලොතරැයි තරගයෙන්” ඩිරාම් මිලියන 15ක (රුපියල් කෝටි 81ක්) ප්රථම ත්යාගය දිනා ගැනීමට සමත්ව ඇති බව අබුඩාබි මාධ්ය වාර්තා කර ඇත.
අබුඩාබි මාධ්ය මොහු හදුන්වා දී ඇත්තේ Rasika Jds ලෙසය.
වෘත්තියෙන් සිවිල් ඉංජිනේරුවරයෙකු වන මොහු තවත් 05 දෙනෙකු සමග එක්ව ටිකට් පත මිලදී ගෙන ඇති බව වාර්තා වේ.
මෙවර ජයග්රාහි ටිකට් පත තෝරා දෙනු ලැබුවේ ඉකුත් මාසයේ පැවති බිග් ටිකට් ලොතරැයි දිනුම් වාරයේදී ඩිරාම් මිලියන 12ක ත්යාග මුදල දිනා ගනු ලැබූ තවත් ශ්රී ලාංකිකයෙකු වන මොහොමඩ් මිශ්ෆික් වීමද විශේෂත්වයකි.
පසුගිය මාසයේදී ඩුබායි හි පෞද්ගලික සමාගමක විකුණුම් වෘත්තිකයෙකු ලෙස සේවය කරන 36 හැවිරිදි මොහොමඩ් මිෂ්ෆක් මෙගා ජැක්පොට් දිනා ගත්තේ ඩොලර් මිලියන 12 ක් ලබා ගනිමිනි.
