උප්පැන්න සහතික සාම විනිසුරුවරු විසින් සහතික කිරීම සහ ආණ්ඩුක්රම ව්යවස්ථාවේ 07 වන උපලේඛනය යටතේ සිදු කළ දිවුරුම සම්බන්ධයෙන් ඇති වූ ගැටලු මත ප්රතික්ෂේප කෙරුණු නාම යෝජනා පත්ර යළි භාරගන්නා ලෙස අභියාචනාධිකරණය අද (10) අදාළ තේරීම් භාර නිලධාරීන්ට නියම කළා.
ඒ අනුව ප්රතික්ෂේප කෙරුණු නාම යෝජනා පත්ර 35කට ආසන්න සංඛ්යාවක් යළි භාරගන්නා ලෙසත් අධිකරණය විසින් නියම කර තිබෙනවා.
අදාළ නාම යෝජනා පත්ර ප්රතික්ෂේප කිරීමට එරෙහිව දේශපාලන පක්ෂ හා ස්වාධීන කණ්ඩායම් විසින් ඉදිරිපත් කළ පෙත්සම් විභාග කිරීමෙන් අනතුරුව අභියාචනාධිකරණයේ වැඩබලන සභාපති විනිසුරු මොහොමඩ් ලෆාර් තාහීර් සහ ප්රියන්ත ප්රනාන්දු යන මහත්වරුන්ගෙන් සමන්විත විනිසුරු මඬුල්ලක් විසින් එම නියෝග නිකුත් කරනු ලැබුවා.
